Iraq de yewna goro komkerde ame akerdene

170 km nêzdîyê bajarê Semawe yê girêdayîyê wîlayetê Mûtanna yê Iraqî de gorêko ke esteyê bi desan kesan tede yê, ame akerdene.

Iraq de gorêko ke esteyê bi desan kesan tede yê, ame akerdene. Ame zanayene ke esteyê ke gorê komî de yê ame dîyayene, yê Kurdanê ke serra 1988 de wextê dîktator Seddem Huseyîne de ameyî qetilkerdene.

Serokkomar Berhem Salîho ke cayê serebutî de tewrê xebatanê keşfî û akerdişê gorê bîyo, eşkerayîyêk daye çapemenîye û vat, “Nê merdimî kiştî, çunke nê merdiman rejîmê dîktatorîye qebûl nêkerdêne; waştêne cuyêka azade û bi rûmete biciwîyê.” Salîhî vat, “Ganî Iraqo newe, cara nê komkiştişan û hovîtîye xo vîr ra nêkero.”