Kaybazo serrol ê fîlmê “Kapi” (Ber) Kadîr Înanir Forûm AVM’yê Amedî de tewrê kombîyayîşêk bi.

Hemşaredarê Bajarê Pîlî yê Mêrdînî Ahmet Turk, Hemşaredarê Bajarê Pîlî yê Amedî Selçûk Mizrakli û Hulya Alokmen Ûyanike, endamê Meclîsê Aşitîye yê Mayanê Aşitîye û hemşaredarê HDP'yijî yê qezayanê Amedî zî mîyan de zêdeyê hezar kesan tewrê kombîyayîşî bî.

Înanirî endamê Meclîsê Mayan ê Aşitîye silam kerdî û Nafîye Yîgîta ke maya tepişte Fetullah Yîgîtî ya, ke Zîndanê Bandirma de grevê vêşanîye de yo, reyde qisey kerd. 

Yîgîte Înanir û cimatî ra waşt ke bibê vengê merdimanê ke grevê vêşanîye de yê. Kadîr Înanirî vist vîrî reya ewilêne serra 1971 de ameyo Amed û vat, “A game wayîrê wesayîtî bîyayîş Tirkîya de zor bi. Bi qure bîyêne wayîrê wesayîtî. Kamî rê bivejîyayêne o bîyêne wayîrê ci. Xeylî merdiman waştêne ke bibê wayîrê wesayîtî. A game mi înan ra tena vateyêk vat, “Cuya xo şansî rê meverdê.” Ez ewro zî heman çîyî vana. Şima pêro bi xêr ameyî.”

Dimayê nê qiseykerdişî ra Înanirî û êyê ke ê dir bî kewtî salona sînema û fîlmê “Kapi”yî temaşe kerd.