Endamê Komîteya Rayberdişî yê PKKyî Duran Kalkanî bi wesîla serrgera 41. a ronayîşê PKKyî ANF rê qisey kerd.

Kalkanî destpêkê serrgêra 41. ya ronayîşê PKKyî Rayberê Şarê Kurdan Ocalanî, şar, dost û hemrayan rê pîroz kerde û şehîdê têkoşînê azadîye bi rêzdarî ardî xo vîrî.

Kalkanî nîşan kerd ke PKK tewgerê zanistî yo û vat: “ Gore lazimîyanê felsefe û îdeolojî tewgereno, gore lazimîyanê sîyaset û leşkerî tevgereno. Zanistîyê sîyaset û leşkerî de di qaydeyê bingeyênî estê ke ê zî stratejî û taktîk ê. Na yewe ra serkewte PKK yo ke 41 serr o warê leşkerî û sîyasî de esto dewranê cîyayan de stratejî û taktîkanê cîyayan esas gêno.”

'Ma dewro Stratejî ê Çarin de yê’

Kalkanî ard ziwan ke PKKyî nê esasan ser o cad kerd ke têkoşînê sîyasî û leşkerî yê xo aver bero û vat: “Mîyanê 41 serranê vîyarteyan de PKK mîyanê çar dewranê stratejîkan ra vîyart. Nika dewrê çarin ê stratejîkî de yo.

Dewrê Stratejîka Yewine

Kalkanî nîşan kerd ke stratejîya yewine sey stratejîya têkoşînî ya ke bingehê ‘Şîdetê şorişgerî vera kes û sazîyanê ajanan’ eşkena bêra pênasekerdene û vat: “Rayber Apoyî ‘Rayîrê Şorişê Kurdîstanî’ de sey stratejîya partî bîyayîşî pênaseyêkê winasî kerd. Rayber Apoyî 18ê Gulane 1977î de Dîlokî de qetilkerdişê Hakî Karerî sey destpêkê nê prosesî dî.”

Kalkanî dîyar kerd ke PKKyî xo resna karker, kedkar, cinî, ciwan û her beşê komelî û organîzasyonê xo kerd xurt, mîyanê serranê 1977 û 1980 de sey partîyêka şorişgere bereya têkoşînê azadîye ameye awankerdene.

Dewreyê Stratejîka Dîyine

Kalkanî dîyar kerd ke prosesê 12 Êlule 1980î ra heta 1993î ma eşkenê sey dewreyê stratejîk ê diyînî pênase bikerê. Kalkanî nîşan kerd ke nê dewreyê stratejîkî derbeya 12 Êlule 1980î ra dest pêkeno û heta adirbestê 1993î dewam keno.

Kalkanî vat: “Seba dewreyê Stratejîk ê diyînî ma vanîme “Stratejîya Şerê Şarî yê Demdergî”. PKKyî konferansê xo yê yewin de na munaqeşe  kerde, analîzê aya teorîke kerde û bire daye. Dima zî bi kitabê ‘Kurdîstan de Rolê Zorî’ xeta têkoşîna stratejîke bi na hawa ameyê îzahkerdene. “

Kalkanî dîyar kerd ke Darbeya 12ê Êlule de şert û mercê têkoşîna sîyasî, îdeolojîk û organîzasyonî Tirkîya û Kurdîstanî de nêmendîbî, îmkanê tewr şenikî zî hetê darbe ra amey çinkerdene û vat: “Seba ke îmkanê legalî bi temamî ameybî çinkerdene, o taw PKK neçar mend ke îlegal bigurîyo. Eke îmkanê karê îdeolojîk û sîyasî mîyan ra bêrê wedaritene o taw ti ganî bi hawayêkê leşkerî bigurîye.”

Kalkanî nîşan kerd ke bi çalakîya 15 Tebaxa 1984î ê Dihe û Şemzînanî xeta stratejîke Vakurê Kurdîstanî de dest pêkerd û şerê gerîlayî bêmîyanê dest pêkerd.

Konferansê Yewin ra Tepîya Peynîya na Stratejî Ameye

Kalkanî ard vîrî ke Serekkomarê Tirkan Ozal kewt dewre adara 1993î de adirbest ame îlankerdene û vat: “Bi nê adirbestî peynîya stratejîya ke bi konferansê yewinî ameybî îlankerdene ame û vat: “Çunke gore bi na stratejîyî sîstemê dewlete do bîamêne rijnayene dewletêka newe ya ke meseleya kurdan çare kena do bîyamêne ronayene. Adirbestî cayê rijnayîşê dewlete de, bi hawayêkê demokratîkî vurenayîşê aye sey armanc na xo ver. Armanc vurenayîş bî coka rayberîya PKK waşt ke metodanê na yewe dîyar bikera.

Kalkanî dîyar kerd ke 9ê teşrîna verêne 1998î û kompleyê 15ê gujige 1999î de vurîyayîşê stratejîkî ancax Kongrea 7. a PKK ya serra 2000î de ame warye.

Kalkanî nîşan kerd ke ‘Staratejîya Şerê Şarî ya Demderge’ ameye vurenayene û ‘Stratejîya Têkoşîna Sîyasî ya Demokratîke’ sey esas ame girewtene ke merkezê xo têkoşîna Îmralî bî.

Kalkanî dîyar kerd ke prosesê neweyî yê têkoşîne stratejîkî Çeleyê 2000î ra heta Hezîrana 2010î dewam kerd.

Taybetmendîyê 2009î

Kalkanî ard vîrî ke weçînitişanê herêmî yê 29ê Adara 2009î de Partîya Komelê Demokratîkî Kurdîstanî de se ra 70ê reyan girewtî û PKK reyna adirbest îlan kerd û dîyar kerd ke PKK wazeno îmkanan pêşkêşê çareserîya sîyasî û demokratîke bikero û vat “Desthelatdarîya AKP seba ke duştê na yewe de kewte tenge vatişê “Akerdişê Kurdan” fîşt rojeve. Rayber Apoyî zî hemberê na yewe de seba çareserîya demokratîke ya problemê kurdan “xeta rayîrşîyayîşî” dîyar kerde û 15ê Tebaxa 2009î de pêşkêşê hukumetê AKP kerd.”

Dewreyê Stratejîkî yê Çarinî

Kalkanî dîyar kerd ke bi nê taktîkan maskeyê rayberîya AKP ame war û AKP seba çinkerdişê mercanê têkoşînê sîyasî derbe kerde.

Kalkanî ard vîrî ke na yewe sey ‘Darbeya 17ê Teşrîna Peyêne’ pênase kerde û vat: “Seba ke şertê têkoşînê sîyasî yê demokratîkî nêmend PKK nêçare mend ke stratejîyê xo bivurno. Proseso newe yê sîyasî û leşkerî yê Hukumetê AKP nirxna û îlan kerd ke Dewrê Stratejîk ê Hîrêyinî qedineno û dest bi ê çarinî keno. Yanî îlan kerd ke ‘Stratejîya Şerê Şarî ê Şorişgerî” binayo xo ver no stratejî des serrî yo dewam keno.

Kalkanî vat: "Koyan de şerê gerîlayan, şaristanan de şerê xopawitişî, şaristanan de xoverdayîş û çalakî bi metodê gerîlayan ameyê kerdene. Metodê têkoşînî yê bingeyênî yê mîyanê serranê 2005 û 2010an 1ê Hezîrane 2010î ra dima kewtî sewîya diyîn û hîrêyinî.”

Do dewam bikero…