Endamê Komîteya Rayberdişî ya PKKyî Duran Kalkanî beşê diyînî yê roportajê xo de giranî daye têkoşînê serra 22î yê vera komployê mîyanneteweyî.

Beşêkê roportajê Duran Kalkanî wina yo:

''Bira derheqê PKKyî ya Belçîka  mehkumkerdişê komployê mîyanneteweyî ya. 21 serr ê ke vanê PKK rêxistina terorî yo û nê bingeyî ser o hêrişê Rayber Apoyî kenê. Na bira mehkemeya Belçîka hêrişê ver Rayber Apoyî, pêro sucdarîyan pûç kena. Mehkemeya Heqanê Merdiman a Ewropa ganî na bire bidayêne. La nêeşkîya bida. La Mehkemeya Belçîka tewirê xo yê vera tecrîdî mojna. Coka na bire girîng a.

Faşîzmê AKP-MHPyî seba ke payan ser o bimano hêrişê her parçeyê Kurdîstanî keno. Xora no îqtîdar estbîyayîşê xo bi qirkerdişê kurdan, çinkerdişê kurdan û înkarê kurdan dano dewamkerdene. Eke Fransa Qirkerdişê Parisî hukm bikerdêne nika Tirkîya nêeşkayêne wina hêrişê Kurdîstanî bikera.  Rojhelatê Mîyanênî de bi kiştişê Qasim Silêmanî û Ebû Mehdî El Muhendîsî Şerê Dinya yo 3. derbazê safhayêka bîne bi. 

Ma na rewşe ya ke bi şerê mabênê DYA û Îranî vejîyaye were ercnenê. Goreyê naye ganî ma polîtîkayanê hewceyan û tewirê pratîkî bimojnê. Xora teqez ma vera modernîteya kapîtalîste yê. Heman wextî de ma vanê ke dîktatorîyê herême bêrê rijnayene û herême bi demokrasî bêra îdarekerdene.

Serra 22î de ma do warê têkoşînê vera tecrîdî î komployî de hemleyêka hîra ya xoverdayîşî bivirazê. Ma do seba naye game bi game her cade bi metodanê viraştoxan têbigêrê. Ma do sîstemê tecrîdê Îmraliyî bişiknê û serra 22î de hîna xurtêr komplo çin bikerê. Armanc û qerardarîya ma nê bingeyî ser o yê. Ma do Başûr, Vakur û Rojawan de seba rijnayîşê faşîzmê AKP-MHPyî xoverdayîşêkê topyekun bikerê. Ma do Kurdîstan azad bikerê û demokratîkbîyayîşê Tirkîya bîyarê ca. 

Ganî her kes têkoşînê vera îşkenceyê Îmraliyî û sîstemê tecrîdî sey têkoşînê xo, sey şertê cuya demokratîke û azade bivîno û wayîrê ci bivejîyo. Menga sibate de şarê ma û dostê ma ganî her ca de vera komplo û tecrîdî şewe û roje têkoşîn bikerê, teşhîr bikerê  û tewirêkê xurtî bimojnê. Her çalakîye de ganî zîhnîyet û sîyasetê komployî bêrê mehkumkerdene. Ganî her kes seba azadîya Rayber Apoyî wurzo payan ser. Tewirêko winasên teqez berê serkewtişî do abikero.''