Endamê Komîteya Rayberdişî ya PKKyî Duran Kalkanî bi wesîleya serrgêra 42. ya ronayîşê PKKyî tewrê 'Bernameyê Taybetî' yê Medya Haberî bi û cewab da persanê Hoşeng Yilmazî.

Qiseykerdişê Kalkanî ra beşêk wina yo:

''Dej û zehmetîyî bîlasebeb nêbîyî. Xeylêk destkewteyî visîyayî destî. Tarîxê estbîyayîşê azadî yê şarêkî dest pêkerd. Mîladêk ame afernayene. Coka 27ê teşrîna peyêne vajîyeno 'Roşanê Gandarbîyayîşê Neteweyî'. Partîya ma Rojhelato Mîyanên vurna kerd kelaya têkoşînê azadîye, cuya azade. 

Rayber Apoyî vat 'karê min ê azadîya cinîyan, rêxistinîya cinîyan karo tewr manadar û şorişgêr o.' PKK û Têgêrayîşê Azadîye yê Cinîyan pîya awan bîyî. Rêxistinîya PAJK, KJK, YJA-Starî her aste de rêxistinîya girseyî ya demokratîje, têkoşîn û rêxistinîya cinîyan a demokratîk û azade afernayî.  Cinîyê kurdî hînî bi rêxistinî tewrê têkoşînî benê û rayberîye kenê. Nê çi karakterê ma zêdêr girîng û manadar kerd. Nê pêro hewceyê PKKyî, ronayîşê PKKyî, Rayberîye yê. 

Ronayîşê PKKyî yê 27ê Teşrîna Peyêne û têkoşînê vera şîdetê serê cinîyan ê 25ê Teşrîna Peyêne yenê heman mana û yewpare yê. Ronayîşê PKKyî Kurdîstan de destpêkê têkoşînê vera şîdetê serê cinîyan o. Û nika no vurîyayo şorişêkê pîlî yê azadîye. 

Seke Rayber Apoyî vat 'Cuya PKKyî seke roşan o.' Ganî no roşan bi coş bêro fîrazkerdene,wayîrê ci bêro vejîyayene. Ganî ronayîşê PKKyî rast bêrofamkerdene. Ganî merdimî raştîya Rayberîye, manaya ci, raşîya ci ya seba tarîxê Kurdîstanî baş fam bikerê. No zî ganî coş û moral bido merdiman. PKK têgêrayîşêkê coş û moralî yo. 

Ma serrgêra 42. de dest pê hemle kerd. Têkoşînê vera tecrîdî, îşxalkerî û faşîzmî bingeyê azadîya fîzîkî ya Rayber Apoyî têkoşînê seba afernayîşê Kurdîstanê azadî, Tirkîya û Rojhelatê Mîyanênî yê Demokratîkî keno.Ma mîyanê hemleyêka winasêne de yê. Ma serra 42. de xoverdayîşêko pîl kerd. No têna xoverdayîşêko neteweyî nêbixoverdayîşêko herêmî û mîyanneteweyî bi. Asta mîyanneteweyîye de tesîrê ci esto. Dîktatorîya faşîste ya Tayyîp-Bahçelîyî lerzena her kes pabeyê ci yo ke birija. 

Seba parçekerdişê sîstemê Îmraliyî, seba rijnayîşê faşîzmê AKP-MHPyî,seba caardişê azadîya fîzîkî ya Rayber Apoyî, seba servistişê şorişê azadîye ma dest pê serra 43. kenê. Ma qerardar û bi coş ê. Ma do qetî ser bikewê. Armancê ma no yo ke serra 43. de faşîzm birijnê. No zî pê parçekerdişê sîstemê tecrîd û îşkenceyî yê Îmralîyî mumkîn o. Ma do Kurdîstan azad û Rojhelatê Mîyanênî zî demokratîk bikerê. Armancê mi no yo û ma do serra 43. de bo bîyarê ca.''