Endamê Komîteya Rayberdişî ya PKKyî Duran Kalkanî beşdarê 'Bernameyê Taybetî' yê Medya Haber TVyî bi û rojdem ercna. Qiseykerdişê Kalkanî ra beşêk wina yo:

''Tecrîdê Îmraliyî têna pê têkoşînî eşkîyeno bêro çinkerdene. Ganî merdimî pabeyê çîyêkî, kesêkî mebê û vera faşîzmê AKP-MHPyî, semedê azadîya Rayber Apoyî têkoşîn bikerê. Dîktatorîya AKP-MHPyî ya ke tecrîdî kena giranêr vera ci ganî têkoşînêko xurt bêro kerdene, şero antî-faşîst bêro kerdene. AKP-MHP her ca de terorê faşîstî kenê, qirkerdişan kenê. Vera nê faşîzmî şîdeto şorişgêr lazim o, şero şorişgêr lazim o. Ganî vera ci artê demokrasî bêrê awankerdene û şer bikerê. Faşîzm pê xoverdayîşî çin beno. Ganî her kes cayê xo de xo ver bido.

Ê çeka kîmyewî xebitnenê, çeka nuklere xebitnenê, sûcê şerî kenê. Îşxal esto, qirkerdiş esto, lînç estı. Ê hêrişê goristanan kenê. Paştdayîşêko xurt nêdîyeno hêzanê şorişgêran, şerwananê azadîye, şerwananê antîfaşîstan. Dişmen bi nê hawayî zêdêr hêriş keno. Nêzdîbîyayîşo 'Wa hêrişê sivîlan mekê, hêrişê gerîlayan bikerê' raşt nîyo.Xoverdayîşê gerîlayanê HPG-YJA-Starî ra nêbo kes nêeşkeno vera faşîzmî fekê xo abikero, vejîyo kuçe û kolanan. No xoverdayîş yew xete ser o yeno kerdene.

Na xete xeta xoverdayîşê zîndanan a 1982î ya, xeta Hemleya 15ê Tebaxe ya. Gerîlayî sey xoverdayoxanê Zîndanê Amedî danê dişmenî ro û faşîzmê AKP-MHPyî rijnenê. Xoverdayîşo tewr bimana xoverdayîşê gerîlayan o. Ê her roje şehîdan danê. Ez bi taybetî venga ciwanan dana ke verê xo bidê koyanê azadan û semedê xurtkerdişê gerîlayan pabeyê çîyêkî mebê.

Pê xoverdayîşê topyekûnî ma eşkenê terorê faşîstî çin bikerê. Ganî her metod bişuxilîyo, ancî vana; her metod. Ganî her kes tewrê nê têkoşînî bo, bibê yew û bi yewîya antî-faşîste têkoşîn bikero. Oyo ke têkoşînî pîl keno û ser visneno xoverdayîşo çekdar o şorişgêr o, xoverdayîşê gerîlayan o, xoverdayîşê xopawitişî yo.''