Hemvervatoxê Warê Weşîye yê Kampa Multecîyan a Şehîd Rûstem Cûdîyî (Mexmûr) Husên Gozereşîyî derheqê tesîranê ambargoyê PKDyî yê vera kampe de ANFyî rê qisey kerd.

Gozereşîyî da zanayene ke ambargoyî ra dima dekewtiş û vejîyayîşê Hewlêrî ameyê qedexekerdene û vat: ''Ma goreyê îmkananê xo wayîrê erk û mesuldarîyanê xo vejîyenê. Ambargoyî ra dima kampe seke vurîyaya zîndanêkî. Xeylêk nêweşî ke tede cinî û domanî zî est ê îmkananê kêman ra merdî. Kampe de hûmara nêweşanê kronîkan zî zêde ya. La ma nêeşkenê dermananê nînan ambargoyî ra peyda bikerê. Coka nêweşîyî zî vera zêdîyenê.''

Husên Gozereşîyî pare kerd ke hukmatê Iraqî rê ê tim muracat kenê ke dermanan bido înan. Gozereşîyî vat: ''Kampe de nêweşîya kanserî di qat zêdîyaya. Reyna kampe de nêweşîyê sey tansîyon, şeker û krîzê qelbî zaf ê. Hukmatê Iraqî seba çareserkerdişê meseleya ma yê bêîmkanîye soz dabi la sozê xo nêard ca. Xet û felsefeta Rayber Apoyî ser de ma bi îmkananê xo têgêrenê. Ma bedelê giranî dayî. La îradeyê ma zî her roje bi xurtêr û ma zî xurtêr bîyî.''