Endamê Komîteya Rayberdişî ya PKK’yî û Fermandarê Merkezê Pawitişî yê Şarî Murat Karayilanî ke ajansê ma rê qisey kerd hêrişê serê Xakurkê sey îşxalî name kerd û vat dewleta Tirkî do hesabê naye giran bido.

Qiseykerdişê Karayilanî ra tayî cayî wina yê: ‘’Dewleta Tirkî serrêk o ke wazêna hêrişê Rojawanî bikê la senî ke eyseno efendîyanê xo ra destûr nê girewt. Coka vere xo narey da Xakurkê.  Xora rewna planê înan ê îşxalkerdişê Başûrî estî. Nê faşîstî bi dişmenîye Kurdan wazenê îqtîdarê xo bidê domnayene. Xakurkê de operasyon nê hêrişê îşxalî esto. Îşxalêko mende yo. Ganî her kes nayî raşt vînê. Ewro ra tepîya kes nêeşkeno PKK’yî biqedîno. No mumnuk nîyo. Vazenê ke Başûr îşxal bikerê û ûca bimanê.

Hukmat û rêxistinê Başûrî zî vera naye bêveng ê. Bêvengîya îqtîdarê Başûrî yeno manaya pêkerdişê û înan. Ya zî destûr dayo ci. Ganî ma naye hol bizanê hesabê dewleta Tirkî yê cîddî yê serê Başûrê Kurdistanî estî. Destûrdayîşê  îşxalê dewleta Tirkî yeno manaya vînkerdişê Kerkûkî. Deweta Tirkî wazena ke xo Başûr de ca bikero û bihêz bo û Kerkûkî Başûrî ra raqil no. Şarê Başûrê Kurdîstanê ke Enfal û Helepçeyan ra ravêrto semedê azadîye bedelê girdî dayî. Sey nimûneyê Şeladîze ganî  na rey zî vera îşxalî bivejîyo. Xora beşik o ke gerîla cewabê nê hêrîşî dano. Gerîla do vera îşxalê dewleta Tirkî xoverdayîşêkê tarîxkî bido û ser bikewo. Dewleta Tirkî serrêk o Qilê Lêlîkan îşxal kerdo. Lêlîkan de çalakîyanê gerîlayan de bi seyan leşkerê Tirkî ameyî kiştene. La dewleta Tirkî vîndîkerdeyanê xo nimnena.  Tirkîya wazena ka vera Kurdan de Îranî zî bigê hetê xo la Îran tewrê kayanê înanê leyminan nêbi.’’

Karayilan xoverdayîşê grevê veşanîye şexsê Leyla Guvene de silam ked û wina dewam kerd: ‘ Xoverdayoxanê grevê vêşanîye  barê ma girewtê ermeyanê xo ser û mesajêko muhîm da ma.  Dewleta Tirkî vera qerardarîya çalakgeran de mecbûr mend ke peyser game bierzo. Dewleta bi kayanê leyminan waşt ke çalakîye sabote bikerê la xoverdayoxan destûrê naye nêda.  Bi ruhê fedaî embazê ma ke na hemleye de şehîd bîyî ez înan zî bi hurmet yad kena û destê dayîkanê ma yê kedkaran maç kena.  Nika demê temamî de şiknayîşê tecrîdî û azadîya Ocalanî yo. Wext wextê yewbîyayîş û xurtkerdişê mucadeleyî yo. Na merhale de yewîye û stratejîya neteweyîye rê hewcadarî esta. Ez bi wesîleya roşanî veng dana rayberanê sazî û rêxistinanê Kurdistanî ke ma hêzê xo yew bikerê û pîya tê bigêrê. Ma sey PKK’yî naye rê amade yê.’’