Endamê Komîteya Rayberdişî ya PKKyî Murat Karayilanî cewab da persanê Radyoyê Dengê Welatî.

Qiseykerdişê Karayilanî ra beşêk wina yo:

''Hînî wextê azadîya Rayber Apoyî ameyo. Coka têkoşîn û xoverdayîşêko pîl lazim o.Heta ke Rayber Apo azad nêbo ne şer qedîyeno ne zî haştîye yena. Seba ke demokrasî bêro Tirkîya ganî tecrîdê Îmraliyî bêro wedaritene.Embazan seba ney zîndanan de dest pê grevî kerd. Azadîya Rayber Apoyî her kes eleqedar kena. Coka çalakîya embazan ê tepişteyan zaf girîng o. Ganî keyeyê tepişteyan, merdimê welatperwerî û dezgehê demokratîkî bi xurtî dormeyê xoverdayîşê zîndanan de bêrê pêser. Eke wina bo ma eşkenê nê prosesê hemle ser bivisnê û netîceyanê girîngan bivisnê destî.

Ez serrgêra 5. de şehîdanê Xoverdayîşê Xoîdarekerdişî bi minetî yad kena. Xeta înan, xoverdayîşê înan tim têkoşînê ma de do biciwîyê.  Cizîre, Şirnex, Sûr û şaristananê bînan de dişmeno ke waştêne ma teslîm bigêro ser nêkewt. No xoverdayîş şeref û rûmetê kurdan o. 

Dewleta tirke nêwazena êzidîyan xoser bibê. La waştişê êzidîyan meşrû yo.Ganî Şingaş çarçewa qanûnanê Iraq û Hukmatê Kurdîstanî de xoser bibo, bieşko xo bipawo û îdare bikero.Seba ke dewleta tirke tedayan kena Bexdad û Hewlêrî mabênê xo de vera Şingalî peymanêke kerde. Na peymane de yeew menfaatê kurdan çin o! Eqsê ci bi na peymane destkewteyê kurdan destî ra şinê. PDK çira tewrê na peymane bîyo? Êzidîyan xoserîya Şingalî ser o pêkerd.Coka sîyaset û dezgehanê Iraqî peymane qebul nêkerde.

Dewleta tirke Kurdîstan de têna hêrişê gerîla û çalakîkeranê sîyasîyan nêkena. Dewleta tirke şerê kifşî reyde tecawuzî ra heta kiştişî bi sîyasetê nîjadperestîye şerê taybetî kena. Dewlete bi polîtîkaya şerê taybetî kena ke komel pûç bikera. Têgêrayîşê Cinîyan ê Azadan bi hemleya 'Ma xo pawenê' vera naye tewirê xo mojna. Na zaf girîng a. Tecawuzê Kercewsî barbarî ya. Dewleta tirke çawişê pisporî seba polîtîkaya şerê taybetî wezîfedar kerdî. Ez cinî û ciwananê kurdan dana ke vera nê çawişan hîşyar bibê, ê merdimê namerd ê. Ganî bêrê teşhîrkerdene. Têgêrayîşê Cinîyan vera nê kerdişan têkoşîn keno la ganî komel zî bêveng nêmano. Kolonyalîzmê tirkan tim wazeno cinî û ciwananê kurdan çin bikero. Hesabê pêroyînan do bêrê perskerdene. PKKyî naye ra dest pê têkoşînî kerd. PKK seba qesasê nê kerdişan esto.

Serra 2021î serra 43. ya partîya ma ya. Na serre têkoşînê ma nêbo têkoşînêko normal. Ma pê qerardar ê ke ma do bi hêzê şehîdan na serre bikerê serra serkewtişî.''