Fermandarê Qerargehê Merkezî yê Pawitişê Şarî Murat Karayilanî Gerîla TVyî rê qisey kerd. Qiseykerdişê Karayîlanî ra tayî cayî wina yê:

Cayê şehîdan esas o

''Estbîyayîşê her komelî de muhîmîya têkoşîn û şehîdan esta. Eke gonî rişîyaye yew herre ro a herre bena welat û bimbarekîya ci aver şina. Coka  tarîxê her netewî de kesanê ke gonîya xo rişnaya û şer kerdo cayê înan taybet o. Kurdîstan de cayê înan hîna zaf cîya û taybet o. Têkoşînê ma de cayê şehîdan esas o. Welatê ma binê sîyasetê qirkerdişî de yo. Wazenê ke estbîyayîşê ma werte ra wedarê. Rayber Apo wina yew welat de rixmê heme bêîmkanîye kewt rarîyo bimbarek û welatê ma de têkoşîno şorişgêr bi kede û gonî aver şi. Têkoşînê Kurdîstanî pê gonîya şehîdan aver şi û bi şehdatan her çî ronîya. Têkoşînê ma  de şehadet cayêko berz û taybet o.

Şehîdan têgêrayîşê azadîye xurtêr kerd

Nê pê şehadetê Hakî Karerî yo 18ê Gulana 1977î de şehîd kewt dest pêkerd. Badê şehadetê ey Rayber Apoyî vat hinî gonî rişîyaye peyer agêrayîş çîno. Semedê vîrardiş û qesasgirewtişê Hakî Karerî programê PKKyî nuşt. Bi nê partîbîyayîş yanî qerarê têkoşînê azadîye yê Kurdîstanî bi qetî. Dima ra 18ê Gulane 1978î de Curnê Reş de Halil Çaşvun şehîd kewt. Semedê qesasê ey narey vera sîtemê feodalî şer aver şi. Serra 1979î de zî de hemra Muslum Baran şehîd kewt û bi wesîleya girdbîyayîşê têkoşînî. Eynî serre  rayberîya  hemra Salîh Kendal û Cuma Takî de 20 embazî şehîd bîyî û têkoşînê Curnê Reş û Girê Sorî wina xurtêr bi.  Bado zî embazî Aydin Gul, Omer Kaya, Muslum Polat û grûbêka embazan şehîd bîyî.

Kursîtan de binê nameyê KUKî de grûbê hemkarî yê kurdî vera dest pêşerî kerd. Rîyê gerreyê înan  ra embazî Kemal, Cemal û Selman têkoşîê Şikestunî de  şehîd bîyî. Badê naye zî şerê ma bi KUKî de 50 kadro û sempatîzanê ma şehîd kewtî.

Xoverdayîşê Zîndanan û şehadetî

Cuntaya 12ê êlule waştenê ke zîndanan de PKKyijan biqedîno. Xeylêk kadroyê ma esîr kewtbî. Vera naye zî xoverdayîş bi gird. Hemleya hemra Mazlûm Doganî tarîtîya ke înan waştêne vejî kerd roşt û bîye mesajê têkoşînî. Ferhat Kutay û grûbêka embazan no mesaj girewt û semedê amancê tewr girdî bedelo tewr gird da. Şewa ke 17ê Gulana pabestêne 18ê Gulane  Mahmut Zengîn, Eşref Aynik, Necmî Oner û Ferhat Kurtayî bedênê xo eşt adirî ver. Dima ra bi  Xoverdayîşê Girdî yê 14ê Temmuze yê Zîndanî yê Amedî vera faşîzmî têkoşîn ame destfînayene.

Dima ra Fîlîstîn de Abdulkadîr Çubukçu, Abdullah Kumral, Îsmet Ozgan û Şeyh Mehmet Atmaca ya pîya 11 embazî şehîd kewtî.

Artêşa Şehîdan û 15ê Tebaxe

Rayberîya hemra Egîdî de bi hemleya  15ê Tebaxe prosesê têkoşînî kewt merhalêyê bînî. Nê prosesî de arêtşa şehîdan ameyî averberdene. Bi vatişê kilmî têkoşînê azadîya ma de 15ê Tebexe ra nata her şehadet bi sebebê girdkerdişê têkoşînî. Coka Rayber Apo vano partîya şehîdan.

Serhildanê Cizîre û Nisêbînî

Cizîre de embaza Bêrîvane şehîd bîyî û Cizîre bi Bêrîvan. Nika Cizîre de nameyê zafê cinîyan Bêrîvan a û sefanê ma de yê. Cizîre bîye qelaya têkoşînî. Şehadetî têkoşînê ma zehîf nêkenê hîna girdêr keno. Dima ra Kurdîstan de serhildanan dest pêkerd. Cenazeyê şehîdan bi merasîman ameyî definkerdene. Nisêbîn de zî merasîmê cenaze yê embaz Salîh, Zana, Zinar û pêro pîya ê 11 yew embazan de rayraşîyayîş açarîya serhildan. Têkoşînê ma şehîdî wina wayîrê rolêkê girdî yê.

PKK girdêr beno

Nika 43 serrî yo no heqîqet ma rayra beno. Yanî bi heqîqetê şehîdanê qehremanan rayra şine. Dişmen 43 serrî yo vano ma qedîna do biqedînê. Hînî Kurdîstan de rewşe bedilyaye. Têkoşînê ma bi her şehadetî girdêr beno û tewrbîyayîş zêdîyeno. Coka dişmen munkun nîyo ke wina ser bikewo. PKK çend şino girdêr beno. Rayîrê Rayberîye û şehîdan de rayra şiyayîş serkewtiş ano. Rayîrê şehîdan ra raqilyayîş xîyanet ano. Şehîdî  çimeyê hêzî yê têkoşînê ma yê, her çîyê ma yê. Înan ma ardê nê rojan. Coka ma înan rê deyndar ê.

Menga Gulane

Menga Gulane semedê şehadetan taybet a. 1ê gulane de Emîn Aslan û Abdulkadîr Çubukçu, 2ê gulane de fermandarê ma yo verên Mehmet Karansungur û Îbrahîm Bîlgîn şehîd kewtî. Azad Sîser û Çekdar Amed û xeylêk embazê ma yê bînî na menge de şehîd bîyî. Reyna hîrê cinîyê qeremanî Leyla Qasim, Şirine Elemhulî û Hozane Mîzgîn zî na aşme de şehîd kewtî. Ma Adîl û Nudayan ra heta Rojîne û Reşîtan, Delale Amede  û Zekî Şingalî ra heta Mahîran heme şehîdan şexsê şehîdanê menga gulane de yad kenê.

Şehîdî hêz danê

Bitaybetî zî cayê şehîdanê ma yê serra peyêna ma rê cîya yo ke zafê înan bi komployan ameyî kiştene. Embazî Helmet, Sînan, Navdar, Serhat, Cemîl, Demhat, Tekoşer, Têkoşîn, Zerdeşt Şingalî, Şernas û xeylêk embazê bînî bi îstîhbaratê  Başûrî ameyî kiştene. Şehadetê înan de rolê xeta hemkare esto. Ma şehîdanê 2019î şexsê fermandaranê ma embaz Alî Piling û Çîçeke Botan de yad kenê. 5 serranê peyênan de Konseya Komûta ya HPGyî ra 18 embazî şehîd bîyî. Ma têkoşînêko winayênê.  Şehîdan ra hêz gênê, şehadetan ra nêtersenê.

Hêrişê vera goran

Bi talîmatê Erdoganî rojanê peyênan de şehîdgehê ma hedefê hêrişan de yê. Hêrişê goristanan kenê. Dişmenî hêzê şehîdan dîye û înan ra terseno coka hêriş keno. Dişmen wazeno ke peynîya kurdan bîyaro. Coka nêwazenê tarîxê ma bibo. Goristanê Şêx Seîd û Seyîd Rizayî û embazanê înan zi bi nê waştişî nimitî ke wa vîrê şarî de memanê. Nika çend ciwanî nameyê şehîdanê Licê, Hêni, Pali, Dêrsim, Gelîya Zîlanî zano? Bi nê tewirî wazenê ke qoqê kurdan bikerê zuwa. Dişmenê ma zalim o ganî ma xo vîrî ra mekerê. Şehîdî semedê ma talîmatê serkwtişî yê.Wayîrvejîyayîşê şehîdan wayîrvejîyayîşê estbîyayîşê ma yo. Şehîdî ma ra vanê ke serkwtişo erjan medê destê dişmenî. Xo bipawê.  Ganî ma  hem fizîkî hem zî pê rûhê hemrayîya şorişgêre şehîdanê xo bipawê û rêça înan xoverdayîşî gird bikerê.

Gerîla her ca de dano piro

Xora gerîla bi tarzê neweyî her cade dano dişmenî ro. Bi ruhê Apoyî derbe pirodayîş dişmenî qedîneno. Tarzê gerîlayanê nê demî wîna yo.  Gerîlayî ganî hinî ver bi serkwtişî şirê. Ma hînî prosesê peyênî de yê. Ganî hînî Konfederalîzmo Demokratîke bêro awenkerdene û azadîya şaran bêro înşakerdene. Menganê peyênan de heme herêman de gerîlayan çalakîyî viraştî. Ma wazenê ke gerîlayê/a seserra 21.  vejê werte. Semedê naye keda pîle ameye dayenê nika wextê netîce girewtiş o. Şehîdê ma ma ra serkwtiş wazenê. Na çarçewe de şehîdî her çîyê ma yê. Coka ma vanê; Şehîdî Nêmirenê!''