Karayilan: PKK êdî sewîya mîyanneteweyî de bereyî keno

Endamê Komîteya Rayraberdişî ya PKKyî Murat Karayilanî nîşan kerd ke têkoşînê azadîya şarana ke PKK ci rê bereyî keno êdî bîyo wayîrê karekterê cîhanî û vat “na rastîye do 42 serranê têkoşînî de hîna xurtêr bibo.”

Endamê Komîteya Rayraberdişî ya PKKyî Murat Karayilanî bi wesîla serrgêra 41. a ronayîşê PKK de ANFyî rê qisey kerd.

Karayilanî nîşan kerd ke Têgêrayîşê Apoyî esasê xo de sey hêzêkê pîlî yê fikrî vejîyaya meydan û vat “rastîya îşxalbîyayîşê Kurdîstanî ke Rayber Apoyî bi vateyanê xo arde ziwan, şert û mercanê ê demî de wayîrê manayêka pîl û xorîne bî. Eynî demî de di vateyê zamed estbî ke ci rê cewab û cadkerdişê pîlî lazim bî. Rayberê ma hîna gamanê destpêkî de xorînbîyayîş îdolojî û felsefe de xo rê kerd esas.”

'Nêeşkaybî Estbîyayîşê Xo Bêpawitişî Dewam Bikero

Karayilanî ard ziwan ke hemberê înanê ke rewşêka hov û qirkere afirnaybî, metodê xo kîştiş û çinkerdiş bî PKK xo ver da û vat “Dewlete biredar bîye ke Komelê Kurdan bi nê hawayî hetê fîzîkî  û kulturî ra qir bika û teslîm bigîra. Vera na rastîya kolonyalîste tevgerêk bê xo pawitişî nêeşkayêne ke estbîyayîşê xo dewam bikera.”

'Gamê Destpêkî bi Hawayêkê Fedayî Bîy’

Karayilanî vat, koma Apoyî ya ke timî dewlete waştêne ke mîyan ra wedara seba estbîyayîşê xo xo ver da û wina dewam kerd “Na yewe ra zî serkewte nêeşkayêne ke bi hawayêkê saf têbigera. Lewma koma bereye hîna munaqeşayanê destpêkî de persa “derfetî estê ke Kurdîstanî de xetêka azad û xosere bêra teqîbkerdene. Derfetê xopawitişî estê yan ney?”

'Têkoşînê Çekdarî Tercîh Nêbî, Neçarîye Ra Bî”

Karayilanî ard ziwan ke şert û mercanê ê wextî de dewamkerdişê estbîyayîşê xo tena bi xopawitişî bîyêne û wina vat “No tespît tespîto sereke ê kome bî. Na yewe ra serkewte têkoşînê çekdarî tercîh nêbî, neçarîye ra bî.”

'Rastîya Pawitişê Rewayî’

Karayilanî vat “bêguman xopawitiş rastîyêk a ke xo sipirnena pawitişê rewayî. Na rastîye eynî demî de seba pêro candar, komel û kulturan derbaz bena. Naye ra serkewte pawitişê her şeklî ya rastîye heqo tewr xozayî yo.”

Karayilanî vat “Îdîayê ke vanê têkoşînçê çekdarî yê PKK verê sîyasetî de asteng o bêbingeh ê. Eke hêzê to, îrade û xopawitişê to çin bo ti nêeşkenî yew vateyî zî vaje. Na rastîye o taw zî bîye. Nika hîna zaf eşkera ya. Vera zîhnîyetê hovaneyî eke ti xo mepawe, ti sîstemê xo yê xopawitişî saz meke, ti çirey nêeşkenî bibe hêz û nêeşkenî behsê têkoşînê azadî bike.”

'Bê Xopawitişî Nêeşkeno Bibo Hêz’

Karayilanî vat “rastîya ke êdî eşkera bîya wina ya: şert û mercanê Kurdîstan û Rojhelatê Mîyanênî de bê sîstemê xopawitişî kes nêeşkeno xo ver bido. Tewr yew tevgera azadî nêeşkena averde şora û nêeşkena xo bipawa.”

'Şorişê Mîyanê Şorişî’

Karayilanî dewamê ci de wina vat “Rewşêka newa ya ke Kurdîstanî de netewebîyayîş, rihê yewîya neteweyî afirîyaya, reyna vera galanê dişmenan sey komel xoverdayîş candar bîyo, bi taybetî pradîgmaya demokratîk ekolojîk ya Rayber Apoyî ke xo sipirneno azadîya cinîyan serranê 2000î ra bîyo mîyanê komelê Kurdîstanî de ca bî. No yew şorişê mîyanê şorişî yo.”

'Serebûtê ke Nika Rojhelatê Mîyanênî de Qewemîyenê Tespîtanê Destpêkî yê PKK Rast Vejenê’

Karayilanî nîşan kerd destpêkerdişê Şerê Dinyayî yê Hîrêyinî Rojhelatê Mîyanênî de û serebûtê ke nika tîya qewemîyenê tespîtê destpêkî yê PKK rast vetî xû vat “Demo ke merdim rewşe de nîyadanp eşkenê bi asanî bivînê ke PKK bi senî hawayî tesîr kerdo.”

'YPG ra Mebîyêne Rojawan Nika Çin Bî’

Karayilanî nîşan kerd ke YPG ke dest bi xopawitiş û xoverdayîşî mekerdêne nika Rojawan çinbî û vat “YPG çin bîyêne nika Sûrîye de kurdî nêmendîbî. Organîzebîyayîşê kurdanê Rojawanî bi rengê YPG, pawitişê herêêmanê kurdan û awankerdişê QSD tena Rojawanî de ney Sûrîye de bî wayîrê hêzekê pîlî. Na yewe sîya organîzebîyayîşê xopawitişî de bîye. Eke xopawitişî ra mebîyêne senî ke Serêkanîye de cergan ala xo daliqnayê û kurdî qewirnayî do kurdî her ca ra biqewirnayêne.”

'Organîzebîyayîşê Xopawitişî yê Têgêrayîşê cinîyan’

Karayilanî ard ziwan ke tevgera cinîyanê kurdan nika pêro dinya de resta yew sewîya ke bale ancena xo ser û xeta azadîya cinîyan ya Rayber Apoyî de vurîyaya hêzêkî ser, na yewe bi saya organîzebîyayîşê tevgera cinîyan ameya meydan.”

'Têkoşînê PKK Êdî Wayîrê Karekterêkê Mîyanneteweyî yo’

Karayilanî dewamê ci de bale anite pradîgmaya Rayberê Şarê Kurdî Ocalanî ser ke seba merdimîye bîya hêvîyêka newa, derfetê cuyêka newa û vat “Xeta PKK ke vera modernîteya kapîtalîst bi rastîya modernîteya demokratîk têgereno nika hem dinya hem zî Rojhelatê Mîyanênî de resto yew sewîya ke cigêrayîşê azadîye yê şaran rê beno cewab.”