Grevê vêşanîye yê tepişteyan roja 26. de dewam keno.

Hemserekê HDPyî yê Colemêrgî Sînan Kayayî derheqê grevê vêşanîye de qisey kerd.

Kayayî ard ziwan ke tecrîdê vera Rayberê Şarê Kurdî Abdullah Ocalanî yeno manaya tecrîdkerdişê pêro şaran. Kayayî vist vîrî ke heqê bingeyî yê Ocalanî yenê binpaykerdene û Ocalan rayîrê çareserîya meseleyan o.

Kayayî bale ante grevê vêşanîye ser û venga pêro hemwelatîyan da ke wayîrê xoverdayîşê zîndanan ê vera tecrîdî vejîyê. Kayayî vat: ''Ganî ma zî sey embazanê tepişteyan wezîfeyê xo bîyarê ca. Ganî sîyasetmedar û merdimî hînî wezîfe bigêrê xo mil. Her prosesê çetinî de embazê tepişteyî rayberîya xoverdayîşî kenê. Ganî ma tecrîdê vera Ocalanî tarûmar bikerê. Eke şar mesuldarîya xo bîyaro ca  hînî tecrîd nêno caardene.''