Hemserekîya Konseya Raberdişî ya KCKyî bi wesîleya serrgêra Hemleya 15ê Tebexe eşkerayîya nuştekîye daye û nê pare kerdî:

Hemleya 15ê Tebaxe şarê kurdî gangêşî ra girewt û wirzna payan ser. Ma afernayoxê na hemle Rayber Apoyî selam kenê, Roşanê Ganîbîyayîşî pîroz kenê. Şexsê fermandarê pîlî Egîtî  de şehîdanê ma yê ke na hemle kerde pê hurmet û minetî yad kenê û heme gazîyanê têkoşînê gerîlayan rê serkewtiş wazenê. Roşanê Ganîbîyayîşî heme şarê kurdî, şerwananê azadîye û dostanê me yê şorişgêr û demokratan rê pîroz bo. Ma do pê ruhê azadîye yê 15ê Tebaxe miheqeq ser bikewê.

Hemleya gerîlayan a 15ê Tebaxe vera faşîzmê 12 Êlule pê ruhê xoverdayîşî yê 14ê Temmuze serewedaritişê estbîyayîşî yê şarêkî da destpêkerdene. Qirkerdoxan vatêne qey kurdî hinî nêeşkenê wirzî payan ser. Gama winayên de şarê kurdî pê ruhê fedayî têna semedê şarê Kurdîstanî nê semedê heme şaranê Rojhilatê Mîyanênî demê şorişan da destpêkerdene.15ê Tebaxe sere de guleyê xo yo verên vera kanperestîye eşt ke hetê qirkerdoxan û kolonyalîstan ra mîyanê komelê kurdan de ameye afernayene. No şorişo ke pê nê guleyê verênî ame caardene, raştîya şarê kurdî afernaye ke şorişê neteweyî,sîyasalkî, komelkî, demokratîk û kulturkî kerdî.

15ê Tebaxe her çiqas hemleya leşkerî û şerê gerîlayan bi zî eslê xo de do pê afernayîşê şorişanê pîlan tarîx de cayê xo bîgiro. Nê şorişê ke na hemle afernayî do qederê Kurdîstan, Tirkîya û Rojhilatê Mîyanênî bibedilno. Tesîrê 15ê Tebaxe seserranê verê ma de do hina rind bêrê fehmkerdene. Kesayetîya şorişgêre ya afernayoxê Hemleya 15ê Tebexe Rayber Apo û destpêkerdoxê ci fermandaro pîl Egîdî tesîrê hemle wina xurt kerd.

Heta ke xeta na hemle de xoverdayîş bêro kerdene çew nêeşkeno verê têkoşînê azadîye yê şarê kurdî bîgiro. No tewir û ruh miheqeq do têkoşînê şarê ma ser bifîno. Şerê gerîlayan 37 serrî xo dima verdayî. Rixmê heme zehmetîyan û bêîmkanîyan serkewtişê pîlî kewtî dest. Nê demî de derbeyê pîlî dîyayî dişmenî ro û destûr nêdîya ke waştişanê xo bîyaro ca. Hemleya 15ê Tebaxe raştîya şarê kurdî vetê werte û pê xeta xo ya azadîya cinîyan şaro tewr şorişgêr ê Rojhilatê Mîyanênî aferna. Bingeyo zixm ameyo ronayene. Ewro ra tepîya do semedê serkewtişî gamê pêtî bêrê eştene.

Dewleta tirke ya kolonyalîste hîrê serrî û nêm o ke vera Herêmanê Pawitişî yê Medya hêriş kena la pê ruhê 14ê Temmuze û tewirê 15ê Tebaxe gerîlayî nê hêrişan pûç vejenê. Serra 38. de do pê têkoşînî averşîyayîşê pîlêr bêrê afernayene. Ma pê nê zanayîşî gerîlayan bicoşî selam kenê û pê bawer ê ke ê do vera kolonyalîst û qirkerdoxan do ser bikewê.''