Hemserekîya Konseya Rayberdişî ya KCK’yî serrgêra 5’ine ya qetlîamê Şengalî de eşkerayîyêka nuştekîye daye vat: ’’ Ganî 3’ê Tebaxe sey roja Femînîsîdî bêro qebûlkerdene.

Eşkerayîya KCK’yî ra tayî cayî wina yê: ‘’Ganî 3’ê Tebaxe hetê Neteweyê Yewbîyayeyî,Yewîya Ewropa û heme dezgehanê mîyanneteweyîyî ra sey qirkerdişî bêro qebûlkerdene. 3’ê Tebaxe yo ke vera cinîyan ê Êzidîyan sucê merdimîye ame kerdene ganî sey Roja Femînîsîdî bêro qebûlkerdene pakerdişê bandê sîyayî yê cinîyan zî hetê heme merdimîye ra bêro destekkerdene.

Çeteyanê DAÎŞ’î 5 serrî cuwa ver bi waştişê qirkerdişê Êzidîyan hêrişê Şengalî kerd. Hêzê eskerîyê ke Şengal de bî, Êzidîyî nêpawitî û netîceya naye de bi hezaran Êzidîyî ameyî qetilkerdene û zafê înan cînî û qijî bi hezaran kesî zî ameyî remnayene û cinî bazaranê koleyan de ameyî rotene. Vera nê hêrişî 12 gerîlayê HPG’yî yê ke nêzdîyê Şengalî de bî mudaxale kerd, bi seyan Êzidîyî qirkerdişî ra xelisnayî. Dimayê xoverdayîşê na grûba qişkeke ya gerîlayan Rojawan ra şerwananê YPG û YPJ’yî  paşt da û destûr nêda DAÎŞ Şengalî bifîno dest. Gerîla qehremanîya tewr girde ya dinya ramotî sere de hêzê eskerî û sîyasî yê herême, heme merdimîye şermêkê girdî yê qirkerdişêkî ra xelisna.

Fermanê 74’ine yê 3’ê Tebaxe ramojna ke Êzidîyî yê ke wayîrê îtîqatê tewr verênî yê ganî biresê statûyê xoserî. Ganî Êzidîyê xo îdare bikerê û xo bipawe.  Êzidîyî heme hêzanê sîyasî, şaran û rêxistinanê merdiman rê merdimîye ra mîras ê.  No mîras ganî xoser û azad bêro pawitene. Seba ke Êzidî heta ewro xoser nêbîyî no eybê heme merdimîye yo. Sere de PDK, YNK, Goran, Yekkurtî, PKK û PYD  heme partî û rêxistinê Kurdan ganî semedê azadkerdiş û xoserkerdişê Ezidxanî berpirsîyarîya xo bica biyarê. Rayber Apo bi serrano seba Êzidîyî biresê cuyeyêka demokratîke mucadele keno.  Eke Rayber Apoyî cuwa ver hîşyar mekerdêne vernîya qirkerdişê Êzidîyan nêameyêne girewtene. Coka ma hem sey Têgêrayîşê Azadîye hem zî sey merdimîye Rayber Apoyî rê zaf çî deyndarê. ‘’