Hemserekîya Konseya Rayberdişî ya KCKyî derheqê erdlerzê Rojhelatê Kurdîstanî de eşkerayîye daye.

Eşkerayîya KCKyî wina ya: ''Şaristanê Xoyî yê Rojhelatê Kurdîstanî de erd lerzîya û erdlerz tesîrê Wanî û qezayanê ci kerd. Sere de Elbak Qelqelî û Seray de zî erd lerzîya. Yeno parekerdene ke Rojhelatê Kurdîstanî de bi desan birîndarî estê. Çend kesî zî merdî ke hûmara înan nêna zanayene. Elbak de 10 merdimê ma merdî û zaf birîndarî estê. Ma mexdûranê erdlerzî rê serweşîye wazenê û birîndaran rê zî şîfaya xêrêne wazene. Seba ke tebdîr û amadekarîya dewlete çin ê wextê erdlerzî de û felaketan de nêeşkenê hetkarîye bikerê.

Wextê felaketan de ganî şarê ma cade xo rêxistin bikerê û hetkarîye bidê mexdurê erdlerzan. Ganî şarê ma nê wextan de berpirsîyarîya xo bîyaro ca. Ganî şarê ma hekarîya bidê nê kesanê ke keyeyê înan xera bîyî. Paştdayîşê şarî eşkeno pêro birînan bipêşo. Ganî paştdayîş û hetkarîya mexdûranê erdlerzî bêrê kedene. Ganî bêro zanayene ke hêzê paştdayîşê şarî ê dewlete ra zêdêr o.Şarê ma Rojhelatê Kurdîstanî de û Vakurê Kurdîstanî de dezgehanê xo redye hetkarî û paştdayîş bido mexdûranê erdlerzî. Aseno ke xesarê Rojhelatê Kurdîstanî zêde yo. Ganî şarê ma bala xo bido uca ser.''