Hemserekîya Konseya Rayberdişî ya KCKYÎ, derheqê hêrişê HDPyî de eşkerayîye daye û veng da ke wa vera îqtîdarê AKP-MHPyî bero vindertene.

Eşkerayîya KCKyî wina ya:

''Tayyîp Erdogan û îqtîdarê AKPyî 2014 de Planê Çokdayîşî da destpêkerdene, eynî wextî de çeteyanê DAÎŞî vera şarê kurdî hêrişê xo Rojawan û Başûrê Kurdîstanî de zêdînayî. Nika hîna hol yeno fehmkerdene ke hukmatê AKPyî pîya bi DAÎŞî paralel no plan fîna dewre. Çarçewa nê planî de bajarê kurdan ameyî rijanyene û operasyonê qirkerdişê sîyasîyî vera HDPyî yenê domnayene. Reyna qirkerdişê Amedî, Pirsûs û Anqara yê 2015î bi hemkarîya DAÎŞ û MÎTî ameyî kerdene.

Têna yew programê nê îqtîdarî  esto o zî dişmenîya vera demokrasî û kurdan o. Coka ganî hinî heme hêzê demokrasî û hêzê sîyasîyî yê kuran pîya îtîfaqo hîra bikerê. Eke nêwazenê dorê bêro înan,  ganî vera faşîzmê nê îqtîdarî bêrê têhet. No îqtîtîdaro tewr zehîf ê Tirkîya yo. Seba ke hêzê antî-faşîst nînê têhet û pîya têkoşîn nêkenê, hema ho payra.

Faşîzm bi têkoşînî yeno rijnayene. Rijnayîşê îqtîdarî do bibo hemleyêka şorişgêre. Xora nê semedî ra Hemleya 'Rijnayîşê Faşîzmî, Ronayîşê Demokrasîyî û Caardişê Edaletî' ameya ronayene. Na têna hemleya kurdan nê yê heme şaranê Tirkîya û Rojhelatê Mîyanênî ya.  Nê hêrişî têna vera HDPyî nê vera heme hetanê demokrasîyî yê. Coka Wezîfeyê heme şaran û hêzanê demokrasîyî yo ke vera hêrişê vera HDPyî vinderê. Ganî şarê Tirkîya vajê cadê 'Wext wextê azadîye yo' û vejîyê kuçeyan.''