Hemserekîya Konseya Rayberdişî ya KCKyî derheqê şehadetê Mam Beşîrî (Hasan Dutar) de eşkerayîyêke daye.

Eşkerayîya KCKyî wina ya:

''Mam Beşîro ke des serran ra nata têkoşînê azadîye yê kurdan rê xizmet keno Şingal de krîzê qelbî ra şehîd bîyo. Ma pêro şarê Kurdîstanî rê, êzidîyan rê û keyeyê ci rê serweşîye wazenê. Hesretê ci Kurdîstano azad û Êzidxano azad qetî do bêrê caardene.

Mam Beşîr sey Mam Zekî Ewropa de tewrê têkoşînê azadîye bîyo,  bi des serran seba azadîya şarê kurdî bi fedakarî xebitîya û xeylêk kede daye rêxistin û mucadeleyê êzidîyan.

3ê tebaxa 2014î de Fermanê 74. ra dima Mam Beşîrî hêverî Ewropa de seba xoserîya Êzidxanî xebatî kerdî û dima Şingal de têkoşîn kerd. Mam Beşîrî bi mazharê hûrmet û heskerdişê pêro êzidîyan. Ey pêro emrê xo da têkoşînê azadîye yê kurdan û azadîya bawerî û cuye ya êzidîyan. Mam Beşîrî bi coşî seba xoverdayîşê êzidîyan ê vera DAÎŞî û xoserîya Êzidxanî verê xo da Şingal.

Ma zaf kewtî ver ke no şerwano azadîye semedê krîzê qelbî ra şîyo heqîya xo. La ey bi têkoşînê xo yê rûmetênî yê des serran şehadetê xo kerd manadar. Qet yew tewir şehadetê netîceya têkoşînî ra rûmetênêr nîyo. Mam Beşîr mîyanê têkoşînê êzidîyan û kurdan ê bînan de bi tewirê xo yê rûmetînî tim do bêro yadkerdene. Mam Beşîr zî sey Mam Zekî erdê Êzidxanî de bîyo bêmerg. Êzidxan bi vîrameyîşê înan do bibo azad.

Mam Beşîr pê cuya xo ya bêşatafate û kedkarîya xo pêro demokrat û şorişgêran rê mîsalê merdimêkê dewa yo. Mam Zekî û Mam Beşîrî pê têkoşîn û hesreta xo ya azadîya êzidîyan têkoşîn geş kerd. Hesreta Mam Zekî û Mam Beşîrî azadîye û Êzidxano xoser do qetî bêrê caardene.

Sere de êzidîyî ganî pêro kurdê bînî wayîrê nê şorişgêrî vejîyê û tewrê merasîmê yadkerdişê ci bibê. Nê rojan de ke komplo û hêrişê vera Êzidxanî zêdîyayî ganî kurdî bi xurtî wayîrê Mam Beşîrî vejîyê û cewabê komploger û dişmenan bidê.

Ked, têkoşîn û xebatê embaz Beşîrî do nêrê vîrakerdene. Seba ke hesreta ey Kurdîstano azad û Êzidxano xoser bêra caardene ma do mesuldarîya xo bikerê.''