KCK: Avûkatê Rayber Apoyî ganî cade şorê Îmrali, raştîyan rayaumûmîye û şarê ma reyde pare bikerê. Heta ke keyeyî û avûkatî nêşorê Îmrali û eşkerayîyêke nêdê; ciwan, cinî û dostê ma wa meydanan terk nêkerê.
Hemserekîya Konseya Rayberdişî ya KCKyî derheqê şewatê Îmraliyî de ewro eşkerayîyêka nuştekîye daye.
Eşkerayîya KCKyî wina ya:
''Selahîyetdaranê dewleta tirke pare kerd ke Girawa Îmraliyî de şewat vejîya ke Rayber Apo tede 21 serr ê ke tepişte yo. Nê prosesî de ke Tirkîya û Kurdîstanî de serebûtê krîtîkî yenê meydan, vera şarê kurdî polîtîkayê qirkerdişî yê giranî yenê kerdene û îqtîdarê AKP-MHPyî ho çin beno nê serebûtê Îmraliyî rê ganî ma bi hawayêkê gumandarî û bicidîyetî nêzdî bibê. Zaf biqesawet o ke rojêka zimistanî de girawe de şewat vejîya.
Dewleta tirke mesuldara her serebûtê Îmraliyî ya
Yew mana û erjê eşkerayîyanê selahîyetdaranê dewleta tirke çin ê. Şar û têgêrayîşê ma pê eşkerayîyanê nînan bawer nîyê. Nê esasî se ro ganî cade avûkatê Rayber Apoyî şorê Îmraliyî û rastîyan şarê ma û rayaumûmîye reyde pare bikerê. Heta ke keyeyî û avûkatî nêşorê Îmrali û eşkerayîyêke nêdê; ciwan, cinî û dostê ma wa meydanan terk nêkerê. Şarê ma ganî çar parçeyanê Kurdîstanî de û teberê welatî de tewirê xo bi hawayêkê xurtî bimojno, meydanan pir bikero. Şarê ma ganî her ca de seferber bibo.
Ganî vera tecrîdî şar wurzo payan ser
Nê esasî ser o ma venga şarê ma, hêzanê demokrasîyî, antî-faşîstan, ciwanan û cinîyan danê ke wurzê payan ser û tewirê xo bi hawayêkê xurtî bimojnê! Reyna ma dî ke heta ke tecrîd çin nêbo û meseleya weşîye, asayîşê Rayber Apoyî çareser nêba demokrasî, azadîye û haştîye nênê Tirkîya.''
