Hemserekîya Konseya Rayberdişî ya KCKyî derheqê serrgêra 9. ya Qirkerdişê Roboskî de eşkerayîyêke daye.

Eşkerayîye wina ya:

''9 serrî verî 34 doman û ciwanê Roboskî hetê teyarayanê şerî ra ameyî qirkerdene. Ma nê merdimanê xo yê ke parçeyê bedenanê înan pê qentiran kirişîyayî, bi rêzdarî û minetî yad kenê. Ma sozê xo ancî anê ziwan ke ma do Kurdîstanê azadî awan bikerê ke tede do sînorî çin bibê.

Dewleta tirke ya kolonyalîste mesuldara bi seyan qirkerdişan ê winasênan a. Heta na dewlete seba ke kurdan bitresna qestî ra qirkerdişan kena. 34 doman û ciwanî bi fermanê Erdoganî ameyî qetilkerdene. Coka qet yes kes nêame cezakerdene. Înan rê îstîxbaratê 'beno ke mîyanê nê 34 kesan de HPGyîj esto' dîya û înan zî Erdoganî ra persa ke 'Ma nê 34 kesî pîya bikişê' Erdoganî zî vat 'bikişê.' Erdogan wina bêexlaq, bêwijdan o.

Heta ke hesabê nê qirkerdişan nêro persayenê qirkerdişî do dewam bikerê. Dewleta tirke Vakur de kişîyayîşê kurdan sey heqêk vînena û Rojawan, Başûr û Şingal de bi hêrişanê hewayî bi seyan kurdî qetil kerdî. Dinya zanena ke dewleta tirke dişmena kurdan a û kurdan qetil kena.

Na dewlete qurbananê qirkerdişî û keyeyanê înan sûcdar kena, vera nînan teda kena. Kerdoxê 'Qirkerdişê Roboskî nêameyî cezakerdene la keyeyê Roboskî  maruzê qereqol û dewayan benê. Tay keyeyî destbend bîyî û tepişîyayî. Kesê ke Qirkerdişê Roboskî protesto kerd erzîyayî zîndanan. Erdoganî bi vatişê 'her kurtaj yew Roboskî yo' no qirkerdiş îtîraf kerd. La qirkerdiş mîyan kerd. Bi vatişê 'şaşîyêke bîye' qetilkerdişê 34 ciwanan ame mîyankerdene.

Dadîyê Roboskî wexto ke domananê înan yenê vîrî vanê 'ma nêeşkenê rabikewê, benê nêweş.' Heta ke kiştoxî nêrê cezakerdene travama do dewam bikera. Na rewşe keyeyan rê îşkence ya. Dewleta ke pereyê guleyan zî keyeyanê gerîlayan ra wazena hesabê nê qirkerdişî nêpersena. Dewleta ke ceza nêdaye kiştoxê Kemal Kurkutî cara vana 'kiştoxê kurdan rê cez çin a.' Bi nê hawayî leşker û polîsî bi rehetî kurdan kişenê.

Ganî kurdî Qirkerdişê Roboskî xo vîr a nêkerê, peyê nê qirkerdişî nêverdê. Eke nê qirkerdişî ra hesab bêro persayene têkoşînê demokrasî do aver şoro û kurdî do azad bibê. Êyê ke Qirkerdişê Roboskî kerd kurdan sey 'haşere' vînenê. Eke kurdî vera nê îqtîdarî têkoşîn nêkerêtim do sey 'haşere' bêrê dîyene.

Qirkerdişê Roboskî do nêro vîrakerdene. Vîrakerdiş bêexlaqî yo. Vîrakerdiş bêwijdanî yo. Vîrakerdiş îxanet o. Coka Coka ma do ne Qirkerdşê Robsokî vîr a bikerê û ne zî biverdê ke vîr a şoro. Ma do Kurdîstanê azadî awan û bêmerg bikerê. Kiştoxê kolonyalîs û qirkerî qetî gonîya qurbanan de bixeniqê.''