Hemserekîya Konseya Rayberdişî ya KCKyî veng da ke têkoşînê azadîya Rayber Apoyî û demokratîkkerdişê Tirkîya û Rojhelatê Mîyanênî bêrê berzkerdene. KCKyî îfade kerd ke têkoşînê vera tecrîd û komployî têkoşînê azadîye yê kurdan ra cîya nîyo.
Eşkerayîya nuştekîye ya Hemserekîya Konseya Rayberdişî ya KCKyî de ame parekerdene le têkoşînê vera tecrîdê Ocalanî yeno kerdene, têkoşînê azadîya şarê kurdî ra cîya nîyo.
Eşkerayîya Hemserekîya Konseya Rayberdişî ya KCKyî ya derheqê komployê mîyanneteweyî yê 15ê Sibate de wina ya:
''Komployê mîyanneteweyî yê vera Rayber Apoyî ra 21 serrî vîyartî. Rayber Apo 15ê Sibate sey 'Roja Qirkerdişê Kurdan' pênase keno. Bi nê zanayîşî ma şehîdanê xo yê ke bi şîara 'Şima nêeşkenê roja ma tarî bikerê' vera komployî dormeyê Rayberê xo de xelekêka adirî kerde bi mînet yad kenê. Nê ruhê fedayîyî 21 serr ê ke xo ver danê. Nê xoverdayîşî pêro armancê komplogeran pûç kerdî.
Nê 21 serran de Rayber Apo têna rayberê kurdan ney bi rayberê pêro Rojhelatê Mîyanênî. Nê 21 serran de Rayberîye, Têgêrayîşê Azadîye yê Kurdîstanî bîyî pîl.
Şar bi paradîgmaya Rayber Apoyî vejîya meydan û nê bingeyî ser o xo resna Konfedaralîzmê Demokratîkî. Cinîyî û ciwanî pêro nê esasî ser o wa têkoşînê xo berz bikerê, peynîya nê sîstemê dewletperestî yê asîmîlekarî bîyarê.
Rayber Apoyî bi îdeolojîyê azadîya cinîye têna seba kurdan ney seba pêro cinîyanê Rojhelatê Mîyanênî û dinay bi Rayberê îdeolojîkî. Cinîyî bi xeta nê îdeolojîyî seserra 21 do bikerê seserra cinîyan.
Êyê ke xeta demokrasîyî û azadîya Rayber Apoyî ra tersenê wazenê ke komplo bidê dewamkerdene. 9ê teşrîna verêne ya ke tarîxê komployê vera Rayberê ma yo heman wextî de tarîxê destpêkerdişê hêrişanê dewleta tirke yê vera Rojawanî yo. No bi xo bi hawayêkê zelalî dişmenîya vera xeta îdeolojîk-sîyasî ya Rayber Apoyî mojneno.
Girankerderdişê tecrîdî yo ke 21 serrî yê vera Rayber Apoyî yeno dewamkerdene, netîceya tersê komplogeran a xeta sîyasî ya Rayber Apoyî ra ya. Ê wazenê ke tecrîs teyna giran bikerê. Serra 22î de bi xurtkerdişê têkoşînê azadîye û demokrasîyî cewabo tewr başî komplogeran ra do bêro dayene. Senî ke demokratîkbîyayîş meseleya kurdan ra cîya nêno ercnayene; têkoşînê vera tecrîdî zî têkoşînê azadîya şarê kurdî û demokrasîyî ra cîya nîyo.
Faşîzmê AKP-MHPyî ame qelskerdene, berskerdişê têkoşînê vera tecrîdî yê serra 2019î têkoşînê azadîye û demokrasîyî resnayî astêka girînge. Nê bingeyî ser o ma venga pêro hêzanê demokrasîyî û şaran danê ke vera faşîzmê AKP-MHPyî yo ke qels bîyo û wazeno payan ser o bimano têkoşînê demokratîlkerdişê Tirkîya û Rojhelatê Mîyanênî û têkoşînê seba azadîya Rayber Apoyî û Kurdîstanî berz bikerê.''
