Hemserekîya Konseya Rayberdişî ya KCKyî bi wesîleya serrgêra 77. ya Komara Kurdan a Mahabadî mesajêk weşana.

Mesaj wina yo:

''Ma serrgêra 77. ya ronîyayîşê Komara Kurdan a Mahabadî xo pey de verdaye. Komara Kurdan a Mahabadî ya ke hetê Qazî Mihemed û embazanê ci ra ronîyaya, ewro zî seba şarê Kurdîstanî wayîra mana û erjêkê pîlî ya. Şarê Kurdîstanî qetî nê kesanê ke seba azadîya Kurdîstanî îdam bîyê, bi taybetî Qazî Mihemedî xo vîr a nêkero.

Netîceya polîtîkayanê menfaetan ê dewletanê hegemonîkan de Komara Kurdan a Mahabadî rijîyaye. Dewletanê hegemonîkan o çax Rejîmê Şahî yê kanwazî û kolonyalîstî de pêkerd û paştî daye rijîyayîşê Komara Kurdan a Mahabadî. Ewro zî xeylêk hêzî bi rayîrê bazarîya serê kurdan xîret kenê ke têkilîyanê xo yê bi dewleta tirke ya kolonyalîste û qirkere dewam bikerê. Ma venga pêro hêzan danê ke wina nêzdîyê mesele nêbê û mebê şirîkê polîtîkayanê qirkerdişê kurdan ê îqtîdarê AKP-MHPyî.''