Hemserekîya Konseya Rayberdişî ya KCKyî derheqê serrgêra Komployê Mîyanneteweyî yê 15ê Sibate de eşkerayîya nuştekîye daye û nê pare kerdî:

15ê sibate ya 1999î de şexsê Rayber Apoyî de vera têkoşînê azadîye yê şarê kurdî komplo ame kerdene. Nê 22 serran de êyê ke têkoşînê vera komployî de şehîd bîyî ma înan biminet yad kenê û sozê caardişê waştişanê şehîdan danê.

Vera komployî bi vatişê 'Şima nêeşkenê tîja ma tarî bikerê' beyraqa têkoşînî ya ke ameye berzkerdene 22 serrî yo tewr berz de yena tepiştene. Serra 23. de no têkoşîno ke Rayberê Azadî û Kurdîstanê Azadî hedef keno, pê Hemleya 'Tecrîd, faşîzm, îşxalî rê bes o; Wext wextê azadîye yo' do bêro averberdene. Komployê 15ê Sibate ke Rayber Apoyî sey roja qirkerdişî name kerd do bero binfînayene.

Rixmo ke komplokerî 22 serran xeylêk rey ameyî binfînayene înan semedê qirkerdişê kurdan komployê neweyî fînayî dewre. 6ê teşrîna peyêne ya 2018î de Amerîka derheqê 3 îdarekaranê PKKyî de qerarê tepiştişî û kiştişî girewt. No newe ra amadekerdişê komployî bi. Hêrişê vera şarê kurdî yê ke Vakur, Başûr û Rojawan de ameyî kerdene pratikkerdişê nê qerarê Amerîka bi. Nê hêrişê ke sey komployêk pîya bi hemkaran yenê kerdene, pê hêrişê vera Vakûr, Rojawan, Şingal, Mexmûr û Herêmanê Pawitişî yê Medya yeno xîretkerdene bikerê merheleyêka bîne.10ê sibate de vera Garê hêrişê îşxalî ame destpêkerdene. No zî ramojneno ke dewleta tirke ke hedef kena ke kurdan qir bikero û paştgêrê ci wazenê komployî şertanê neweyan de bidê domnayene.

Hêz û tesîrê Rayber Apoyî û PKKyî çend zêdîyeno, hêrişî zî zafêr benê. Ewro hêzê Rayber Apoyî û Têgêrayîşê Azadîye yê Kurdî 22 serrî verî ra zafêr o. Rayber Apoyî pê fîkr û tewirê xo PKK pîlêr kerd û  bi Rayberê Azadîye yê şaranê Rojhilatê Mîyanênî û dinya. Xeta azadîye ya cinîyan a Rayber Apoyî ewro semedê cinîyan ê dinya hêzo tewr şorişgêr û demokratîk o.

Reyna fîkrê Rayber Apoyî yê Konfederalîzmê Demokratîkî bîyo xeta cuyeya azad û demokratîke ya şaran. Şarî sîstemê camêrdê serdestî, îqtîdarî û dewlet ra xelisneno û pê nê projeyê sîstemê demokratîkî her roje têkoşînê azadîye yê şaran rê dano qezecnkerdene.

Koplokeran waşt ke  Rayber Apoyî rayberê azadîye yê şarê kurdî ra vejê la Rayber Apo sey rayberê azadîye û demokrasî yê heme merdimîye vejîya verê înan. Badê rijîyayîşê sosyalîzmê realî êyê ke îdeolojîk-polîtîk problemî ciwîyayî pê paradîgmaya Rayber Apoyî bîyî wayîrê çeke têkoşînî yê bihêzî. Nika destê şaran de hêzo tewr pîl na paradîgmaya ke azadîya cinîyan pawena, demokratîk û ekolojîk a. Hînî şarî sîstemê dewlete rê mecbur nîyê. Semedê şaran û cinîyan berê cuya azad û demokratîke heta peynî akerdeyê. Cewabê Rayber Apoyî yê vera komployî yo ke îdeolojîk û polîtîk bi, nê berî akerdî.

Semedê şarê kurdî û Rojhilatê Mîyanênî têkoşîn serra 23. ya komployî de do çarçewa hemleya wextê azadîye yo de bêro rayraberdene. Na hemle çar leteyanê Kurdîstanî û teberê welatî de eynî wextî de yena kerdene. Rijnayîşê faşîzmî, qedîyayîşê îşxalî û azadîya Rayber Apoyî têkoşînê azadîye û demokrasî yê heme şaranê Rojhilatê Mîyanênî yo, coka nê şarî do bibê hêzê nê têkoşînî. Dewleta tirka ke hetê Îqtîdarê AKP-MHPyî yo ke îşxal, faşîzm û zextî temsîl keno ra yena îdarekerdene dişmenê heme şaran a. Coka hemleye wextê azadîye yo têna têkoşînê kurdan nê yê têkoşînê azadîye yê heme şaran o.

Sere de cinî û kedkarî heme merdimîya demokratîke pê wayrîvejîyayîşê Rayber Apoyî bîya leteyêkê na hemle. Dewleta tirka ka Rayber Apoyî binê tecrîdî tepişnena serra 23. de do zafêr bêro teşhîr û tecrîdkerdene. Hukmato faşîst ê AKP-MHPyî yo ke ewro komplo dano rayraberdene ke qirkerdişê kurdan temam bikero do birijîyo. Eke şarê kurdî vera hêrişê Garê çar leteyanê Kurdîstanî de wirzê payan ser hukmato faşîst do hîna lez bêro rijnayene.

Komplo ke Rayber Apo vano têna vera PKK û şarê kurdî ney vera heme şaranê Tirkîya û Rojhilatê Mîyanênî bîyo, do tewr peynî de bin bikewo. Wîna Kurdîstan, Tirkîya û Rojhilatê Mîyanênî eşkenê biresê cuya azade û demokratîke.

Ciwanî, cinîyî û heme şarê Kurdîstanî ke rêça şehîdanê 'Şima nêeşkenê tîja ma tarî bikerê' ra şinê bedelê çi beno wa bibo do têkoşînê Raybero Azad, Kurdîstano Azadî rayra berê û serra 23. bikerê serra azadîya Rayber Apoyî û Kurdîstanî. Rixmê heme zextan do têkoşînê şarê ma do ser bikewo.''