Hemserekîya Konseya Rayberdişî ya KCKyî derheqê hêrişê DAÎŞî yê vera Mexmûrî de eşkerayîyêka nuştekîye weşanaye.

Eşkerayîya KCKyî wina ya:

''Sey serra 2014î DAÎŞî hêrişê kampa Mexmûrî kerd. Seke yeno zanayene leşkerê Iraqî û pêşmergeyî dormeyê Mexmûrî de nêvindertêne. Bi xoverdayîşê gerîlayan hêrişê vera Mexmûrî ame şiknayene û verê înan ame girewtene ke verê xo nêdê Hewlêr. Dima ke gerîlayê HPGyî û YJA-Starî şîyî warê şerî, hem Hewlêr hem zî Mexmûr kerd cayêkê biasayîşî. Heman wextî de gerîlayî şîyî Kerkûk û pêşmergêyan reyde hêrişê DAÎŞî şiknayî.

Mexmûr Kampa Şehîdan o

Xoverdayîşê şarê Mexmûrî bi sembolê vergirewtişê hêrişanê DAÎŞî. DAÎŞî bi hêrişanê xo yê peyênan waşt ke şarê Mexmûrî ra û gerîlayan ra qesasê xo bigêro.

Şarê Mexmûrî mîyanê xoberdayîşêkê sereberzî yê dinya de yo. Bi cuye û tewirê xo, bi warê sembolîkî yê rastîya kurdan. Bi hezaran ciwanî şehîd bîyî ke rûmetê şarê Botanî yê. Mexmûr de her keye de şehîdêk esto . Coka merdim eşkeno vajo ke Mexmûr kampa şehîdan o.

Dewleta Tirke Wazena Kampe Parçe Bikera

Seba ke şarê Mexmûrî mîyanê tewirêkê winasênî de yo, bi hedefê dewleta tirke. Tirkîya verê cû nêeşkîya kampe bikera hedef, naye ra zî tedaya Iraqî, PDKyî û Neteweyanê Yewbîyayeyan kena. Bi taybetî serê PDKyî ra wazena kampe parçe bikera û bi hêrişanê hewayî netîceyêke bigêra.

Seba ke kampe bêra parçekerdene DAÎŞ zî hêrişan kena. Dewleta tirke peyê nê hêrişî de ya. Dewleta tirke bi çi armancî DAÎŞî hêrişê Şengalî, Kobanê û Şorişê Rojawanî da kerdene, bi heman hewayî hêrişê Mexmûrî zî dana kerdene. Hêrişê peyênî bi ambargoyî eleqedar ê. DAÎŞ zî fikîrîya ke bi ambargoyan kampe teng bikero û bi hêrişan wazeno netîceyêke bigêro.

Ambargoyê Vera Mexmûrî Nêno Qebulkerdene

Ambargoyê PDKyî yê vera Mexmûrî dewam keno ke seba şarê kurdî trajedî ya û nêno qebulkerdene. Pêro şarê Kurdîstanî na polîtîkaya PDKyî ra dejeno. No ambargo yeno manaya nêhesibnayîşê estbîyayîşê şarê kurdî û binpaykerdişê heqanê înan o.PDK û îdareyê herêmî zerar danê îmajê xo. No ambargo cesaret dano DAÎŞ û dişmenanê kurdan ê bînan. Wedaritişê ambargoyê vera kampa Mexmûrî waştişê pêro kurdan o.

Vengdayîş

Ma venga pêro şarê kurdî û partîyanê sîyasîyan kenê ke seba hêzê xoverdayîşî û moralî şarê Mexmûrî paştî bidê înan. Vera hêrişanê dewleta tirke hetkarîya kampa Mexmûrî bikerê."