Hemserekîya Konseya Rayberdişî  ya KCKyî bi wesîleya serrgêra ronayîşê PKKyî beyanatêk weşana.

Beyanatî de ame vatene ke “PKK tarîxê Kurdîstanî û Rojhelatê Mîyanênî vurena. Serrgêra 41. a ronayîşê PKKyî Rayber Apo, şarê ma, dostanê ma û şerwananê azadî rê pîroz bo. Mîyanê nê 47 serran de kesê ke bîyê şehîd ma înan bi mînet û rêzdarî anê xo vîrî. Rayber Apoyî PKK sey partîya şehîdan pênase kerd. Nirxê ke PKK afirnayê bi rayberîya Apoyî hetê şehîdan ra ame afirnayene. Peymê têkoşînî û cuya sîstemê KCK zî hetê şehîdanê ma ra ameya afirnayene. KCK nîşan kerd ke Rayberê Şarê Kurdan û PKK yew şar çinbîyayîş ra warizna payan ser û wina vat: “Şertê û mercanê ke tede êdî hêvî nêmendîbî de, yew rewşa ke tede îmaknî çin bî PKK tena xo spart şarê ma û înan de rayîr şî.” Beyanatî de ame vatene “Bi peyma hêzo tewr pîl hêzê xo bi xo yo’ her çî çinbîyayîş ra organîze kerd, şert û mercanê bêîmkanan de têkoşîyay. Bi ferasetê “ê ke bêîmkanîye xo rê bikerê bahane têkoşîne de do ser mekewê” demêkê kilmî de averşîyayîşêko pîl afirna. Şarê ma, bi taybetî zî ciwanî dormê Rayber Apoyî de bîy kom, seba estbîyayîş û cuyêka azade kewtî mîyanê têkoşînêkê pîlî. Organîzasyonê îstîxparatî yê DYA hîna serranê 1979î de resnaybî hukumetê xo ke PKK kurdîstan, Tirkîya û Rojhelatê Mîyanênî de seba înan û hemrayanê înan tehlukeyo tewr pîl o.”

'Rayber Apoyî dewrê Şaran afirna’

Beyanatê KCK wina yo: "PKK verê her çî kerd ke ciwan, cinî û şarî bi xo yar bê. Seba destfîştişê azadîye hêvîyêka pîle afirne. Sey tewgerekê ciwanan dest pê têkoşînî kerd, nê dînamîzmê ciwnan tesîrê pêro şarî kerd. PKKyo ke bi dînamîzmê ciwanan dest bi xoverdayîşî kerd darbeya faşît a 12ê Êlule de payan ser o mend; demo ke faşîzmî xo tewr zêde xurt dîyêne de serra 1984î de dest bi têkoşînê gerîlayan kerd.Serra 5. a xoverdayîşê gerîlayan de Kurdîstanî de Serehewanayîş afirna û bi nê hawayî şorişê komelkî, sîyasî, neteweyî û kulturî kerd. Nê şorişî bi des serra bêmabên dewam kerd. PKK seba kurdan nameyê estbîyayîşî yo. Şarê Kurdîstanî her ca de sloganê “PKK şar o, şar tîya yo” vano. Rayber Apo tena hetê kurdan ra ney hetê şaranê Rojhelatê Mîyanenê ra zî sey Rayberê Azadî û Demokrasî êno dîyene. Xoverdayîşo ke PKK û Rayber Apo ci rê bereyîye keno nika Rojhelatê Mîyanênî de pêro komelanê cudayan ê etnîkî û bawerîyan ardî pêser  û bi nê hawayî dewrê şaran afirna.

'Ma do sozê Kurdîstanê azadî û Rojhelatê Mîyanênî yê Demokratîkî bîyarê ca”

Seba ke şarî wazenê ke sîstemê desthelatdarperes, dewleteperes û kolonyalîs ra bireyê pradîgmayê komelç demokratîk ekolojîk û azadîparêzîya cinîyan yê Rayber Apoyî organîzebîyayîşê konfederal û demokratîk şaran rê bîyê hêvî. 2ê teşrîna peyêne Roja Rojawanî ya Dinya de pêro şaranê dinya nîşan da ke nê sîstemê demokratîk û azadîparêz  ê Rayber Apoyî û PKKyî seba xo sey hêvî vînenê. Rayber Apo û PKK bi xeta xo ya îdeolojîk, bi ferasetê xo yê cuya demokratîk û azadîya cîhanî rayberîya şaran kenê. Xeta Rayber Apo û PKKyî ke na sewîye de êdî bîya enternasyonal eşkera yo ke ewro ra tepîya zî serkewtişanê pîlan biafirnerê.Bi nameyê tevgerê azadîya kurdan ma sozê xo tekrar kenê ke xeta Rayber Apo û PKK yê ser o serra 42. de zî ma do xoverdayîşî pêt bikerê Kurdîstanêko Azad û Rojhelatê Mîyanêno demokratîk biafirnê. Ma Rayber Apoyî reyna selam knê û bi sozê caardişê hesretê şehîdan înan reyna bi minete anê xo vîrî.‘‘