Hemserekîya Konseya Rayberdişî ya KCK’yî bi eşkerayîyêk vera polîtîkaya hêrişkare ya îqtîdarî rê hêrsê xo ard ziwan û mesajê girdkerdişê xoverdayîşî dayî.

Eşkerayîye ra tayî cayî wina yê:

''Şefo faşîst ê AKP’yî sey weçînayîşê  7’ê Hezîrane nêwazeno îqtîdarê xo caverdo. Bi weçînitiş tena  wezeno ke dîktatorîya xo ya faşîste meşrû ramojno. Weçînitişê ke ey îqtîdarî ra danê war nînan zî qebûl nêkeno. Xora no weçîtişo peyên de zî îtîfaqê AKP-MHP’yî raştîya xo ramojnaye. Tewr zaf zî Stenbol de  û Kurdistan de eşkera ma vînenê. Heme dinya vînena ke senî semedê xespkerdişê şaredarîya Stenbolî  xebityenê.

No Îradeyê Şarê Kurdî Rê Hêriş O

Kurdistan de zî eşkera, eşkera bi xilê û zextî şaredarîyanê Kurdan xesp kenê.  YSK zî nê xespkaran rê hemkarê keno. YSK eşkera fîna çiman verê ke ê zî sey lingêkê polîtîkaya qirkerdişê Kurdan ê û Kurdistan de xespkerdişê şaredarîyan de hempar ê. Tewr zaf zî Şirnex, Mûş, Milazgîrt û Xelfetîya Riha de hemparîya xo yê xespî ramojnaye. Mazbatayê xeylî hemşaredaran ê ke bi KHK’yî ameyî ixrackerdene, înan nêdayî û ramojna ke ê Kurdistan de aktorê  şerê taybet ê.

Baglarê Amedî, qezayanê Tuşba, Çaldiran û Artemêtanî yê Wanî, qezaya Tatosî ya Erzîromî û beldeya Dagpinarî yê Qersî rê  qeyûm ameyo tayînkerdene. YSK bîya sazîya tayînkerdişî ya dîktatorîya faşîste  û qirkerdoxe. No îradeyê şarê Kurdî rê hêriş o. Derbeya qirkerdişî ya sîyasî ya. Şarê Kurdî ganî vera na derbe sere wedaro û xespkerdoxan û îşxalkerdoxan qebûl mekero.

Na Komploya Sîyasîye Ya

Namzedê qebûl bike û dimayê weçînitişî hemşaredarîya ci xesp bike; na komploya sîyasîye ya. Goreyê huqûqê Tirkîya zî ê mîyanneteweyî zî no xesp o. Coka vera naye heqê şarî yê mucadeleyî esto. Vera no xespî xoverdayîş heqo tewr meşrû yo. Şar ganî vera komplo, derbe û xespan  mucadele bikero. Tena şarê Kurdî nê şarê Tirkîya zî vera fazîmê îqtîdarî ganî tewirê xo ramojno. Şarî ganî vera nêheqîye yew bî û mucadeleyî xurt bikerê.‘‘