Komîteya Bawerî û Şaran a KCK’yî bi wesîleya roşanê Çarşema Sorî eşkerayîyêk daye û roşanê Êzidîyan pîroz kerd.

Eşkerayîye de bale anciya hêrişê serê Êzidîyan û tarîx ravheta ewro xoverdayîşê Êzidîyan ser û nê ameyî parekerdene. ‘‘Fermanê 3’ê Tebaxe yê 2014’î ra nata şarê ma yê Êzîdî bi hîna gird umîd, bawerî û qerardarîya xover dano. Çarşema Sor ê emserî bi ruhê xoverdayîşê Leyla û Nasir ê ke girevê vêşanîye rê rayberîye kenê, de yeno pîrozkerdene. Reyna roşanê emserî bi serkewtişê QSD’yî yê vera DAÎŞ’î yeno pîrozkerdene. Paştgerê çeteyan Erdogano ke DAÎŞ kerdêne weye xora ey zî weçînitişê 31’ê Adare de kerd vînî. Nê zî Çarşema Sorî yê emserî hîna zaf kenê muhîmê. Tena roşanê Çarşema Sorî nê ganî şarê ma yê Êzidî heme roşanan û aktîvîteyanê xo xêza Mam Zakîyan de bikero. Roşanê Çarşema Sorî, roşanê afernayîşî yo. şarê ma yê Êzidîyî bi xoverdayîşî seserra 21. de xo newe ra aferna û ruhê roşanê Çarşema Sorî reyna ganî kerd. Qelaya xoverdayîşî ya şarê ma yê Êzidîyan ewro Şengal a.  Herra Şangalî newe ra bîya mekanê ‘Heqwar’î. Êdulê û Derwêşî yê hemdemî semedê  Kurdistano xoserî înşa bikerê bi ruhê serkewtişî şer kenê. Ma zî sey têgêrayîşî roşanê şarê xo pîroz kenê û şexsê Mam Zekî Şengalî de şehîdanê xo yê qeheremanan reyna yad kenê  û sozê caardişê waştişanê înan newe kenê.‘‘