Komîteya Şaran û Bawerîyan a KCKyî pê eşkerayîyêka nuştekîye roşanê êzidîyan Çarşema Sore fîraz kerde û nê pare kedî:

''Ma roşanê Cejna Îmanê Çarşema Sore şarê êzidîyan rê fîraz kenê û bi na wesîle hêvî kenê ke Xoserîya Demokratîke ya înan bibo mende. Tebaxa 2014î de DAÎŞî pê paştdayîşê dewleta tirke vera şarê ma yê êzidîyan hêrişê qirkerdişî kerd ke nê pelenê şermî yê tarîxî merdimîye de cayê xo girewt. AKPyê Erdoganî yo ke pê dînî şarî xapîneno  û faşîstîya MHPyê Bahçelîyî dişmenîya  xo ya vera kurdan ramojenenê.  Hêrişê vera êzidîyan de no reyna ame vînayene. Fermanê 74ine pê destê dewleta tirke ame kerdene. Dewleta tirke tim vera êzidîyan qirkerdişan kena.

Hêrişê vera êzidîyan o ke DAÎŞî 2014 de kerd eşkera bi ke pê desta dewleta tirke ameyo kerdene. PDK zî nê fermanî de rolo ke dîya ci sey hemkarê dişmenî ard ca. Roja ma de dişmenîya tewr pîle rejîmê AKP-MHPyî êzidîyan rê keno û rolê hetkarîye yo tewr pîl zî reyna PDK kay keno. Welatperwerê erjayeyî û serkêşê şarê ma yê êzidîyan Saîd Hesen û birarzayê ey û reyna mîlîtano erjaye ê êzidîyan hemra Dijwar ( Merwan Feqîr) pê îstîxbaratê ke PDKyî da dewleta tirke ameyî kiştene. Êzdiyî Başûr de kampanê multecîyan ê PDKyî de sey esîran yenê tepiştene. Rojawan de zî bi taybetî Efrîn de hetê dewleta tirke ra raştê zextî yenê.

Rixmê heme hêrişan xoverdayîşê êzidîyan o ke merkezê ci Şingalo verê zaf averşîyayîşan akerd.  Xoverdayîşê Şingalî her ca de moral da êzidîyan û merdimîye. Bedilnayîşê ke Şingalî de vejîyayî werte, îradeyo komelkî yo ke aver şi semedê heme êzidîyan bi çimeyê îlhamî. No serkewtişê êzidîyan dişmenî  qehr keno.

Şarê ma yê êzidîyan o ercîyaye, şingalijê sînayeyî;

Ma roşanê şima Çarşema Sore fîraz kenê. Ganî êzidîyî her hetî ra xo rêxistine bikerê û meclîsanê xo xurtêr bikerê. Heme dezgehê êzidîyan erc ê, destkewteyê muhîm ê û yeno pawitene ke rolanê xo bîyarê ca. Seke yeno vînayene yew komel pê xoverdayîşê rêxistinkerdeyî eşkeno xo bipawo. Heme tehlukeyê serê şima meqedîye zî wezîfeyo tarîxî û komelî yê Şingalî esto.  Wa roşan bibo wesîleyê serkewişanê pîlan.

Herra êzidîyan heqwar nêbena. No ruh moralê heme kurdan xurtêr keno.  Êzidîyî bi nasnameyê xo yê bawerî û şarî xover danê, wayîrê ercanê xo vejîyenê. Çarşema Sore û menga nîsane reyna resanê manaya xo ya raştî. Ma reyna roşanî fîraz kenê, şehîdanê xo yê qehremanan  yad kenê û soz danê ke ma do têkoşînê înan ser bifînê.''