Komîteya Tekîlîyanê Teberî ya KCKyî hêrişê Bexdadî ke vizêr qewimîya bi eşkerayîyêka nuştekîye şermezar kerd.

Eşkerayîya KCKyî de nê ameyî vatene:

''Ma hêrişo wehşî yo ke 21ê çeleyî de paytextê Iraqî Bexded de qewimîya şermazar kenê. Merdeyan rê hûmayî ra rehmet û birîndaran rê şîfa wazenê. Wa sereyê înanê me merdimê xo vînî kerdî û şarê Iraqî weş bo.

Eşkerayo ke çeteyanê DAÎŞî pê nê hêrişî waşt ke verê pîya ciwîyayîşê azad û demokratîkî yê şarê Iraqî bigerê. DAÎŞ têna vera şarê Iraqî nê semedê heme şaran tehdît o. Sere de şarê kurdî û erebî pê xoverdayîşê hemparî yê şarê Rojhilatê Mîyanênî îradayê DAÎŞ şikîya û bin kewt la pê paştdayîşê îqtîdarê AKP-MHPyî û tay hêzan reyna wazeno herême de bibo aktîf. Baldaro ke no hêriş badê zîyaretê Wezîrê Pawitişî yê Tirkî Hulusi Akar û Serfermandarê  Pêroyî yê Tirkî yê Bexdadî qewimîya. No hêrişo wehşî yê DAÎŞî bê paştgêranê înan û polîtîkaya înana leymine nîno ercnayene. No hêrişo ke yewîtîya şaran hedef keno pê xoverdayîşê hemparî yê şaran eşkenêobêro pûçvetene.

Ma têgêrayîş û şarê kurdî dejê şarê Iraqi pare kenê û hîsanê xo yê paştdayîşî anê ziwan.''