Komîteya Bawerî û Şaran a KCKyî bi eşkerayîyêke Roşanê Noelî yê xirîstîyanan fîraz kerd.

Eşkerayîye wina ya:

''Ma sey Têgêrayîşê Azadîye yê Kurdîstanî yo ke roja verêne ra nata wayûbiratîya şar û bawerîyan xo rê kerde krîter şexsê xirîtîyananê Kurdîstanî de Roşanê Noelî yê pêro alemê xirîstîyanîye fîraz kenê. Bi na wesîle ma hêvî kenê ke sere de Rojhelatê Mîyanênî de pêro dinya de şer û pêkewtişî do biqedê û merdimîye birese cuya azad, haştîyane û weşe.

Roşanê dînîyî vengdayîşê seba wayûbiratî, heskerdiş û rêzdarî yê. Ma pê hêvîdar ê ke kesê dîndarî hayîya na mesuldarîye bibê.

Serra 2020î pê îstîsmarê dînî yê nîjadperestan, şer û şîdetê hukmatan ê faşîstan derbaz bîye. Vîrusê Koroan zî nê zehmetîyî zêdînayî. Ma pê bawer ê ke Roşanê Noelî do bibo wesîleya serra aram û weşe. Serra 2021î de têkoşînê demokrasî do lîder û hukmatanê faşîstan birijno.

Sey Têgêrayîşê Azadîye Kurdîstanî ma do pê Kurdîstanê xoserî û Rojhelatê Mîyanênî yê demokratîkî cewabê waştişanê şaran bidê. Coka ma vera ê kesan têkoşîn kenê ke dînan seba mal û mulkan şuxilnenê, seba îqtîdarê xo raştîyan mîyan kenê. Ma pê bawer ê ke pawitoxê heq û raştîye sey tarîxê têkoşînê dînanê Îbrahîmîyî vera zulmî do ser bikewê.

Ma zanenê ke serra 2021î de têkoşînê azadîye yê cinîyan do bibo pîlêr, erjê demokratîkî asta fîraze de do qebul bibê, xoverdayîşê şaran ê ekolojîkan do aver şoro. Pê nê hîs û fikran  sere de ê armenî, asûrî, keldanî û sûryanîyanê Kurdîstanî ma Roşanê Noelî yê pêro alemê xirîstîyanîye fîraz kenê û her kesî rê serra bi heskerdiş, rêzdarî, haştî wazenê.''