Hemserekîya Konseya Rayberdişî ya KCKyî seba 4 karkeranê ke 17ê çeleyî de Kampa Multecîyan a Mexmûrî de qezayê trafîkî de dinyaya xo bedilnayî, mesajê serweşîye weşana.

Mesajê serweşîye wina yo:

"Denîz Xelîl Denîz, Mehmûd Sîso Tahir, Hogir Mûsa Yûsûf û Cîhat Mihemed Hecî Mihê wexto ke seba kar şîyêne cayanê cîyayan ê Iraqî qezayê trafîkî de şîyî rehm. Ma keyeyanê înan û pêro şarê Mexmûrî ra serweşîye wazenê.

Şarê Mexmûrî dima ke dewleta tirke ya faşîste dewê înan vêşnayî Botanî ra koçê Başûrê Kurdîstanî kerd. Çunke goreyê înan Başûr zî welatê înan bi. Labelê 27 serrî yo no şar maruzê teda û zulman maneno. Erzîyeno kampa înan ser, kîşîyenê, maruzê ambargo benê. Coka nê hemwelatîyî kampe ra koçê kampêka bîne kenê. Tewr peyên nê merdimî Kampa Mexmûrî ya Iraqî de ca bîyî. Serra 2013 awanîya Federasyonê Başûrê Kurdîstaî ra nata meseleyî kêm nêbenê û zor û zorbazîye benê bara înan. Dewleta tirke pê bombayan wazena kampe veng bikera, PDK kampe rê ambargo keno.

Rixmo ke rayaumûmîya kurdan wazena ambargo biqedo PDK waştişê dewleta tirke ser o ambargo dewam keno. Roniştoxê kampe neçare manenê ke şorê cayanê bînan de bixebitê. La rixmê nê kerdişan zî şarê Mexmûrî tewirê rûmêtînî ra fek vera nêdano û wayîrê hesret û vîrameyîşê şehîdan vejeno.

4 karkerê nê têkoşînê rûmetînî şîyî rehm. Ne şarê Mexmûrî ne şarê Kurdîstanî ne zî Têgêrayîşê Azadîye nê karkeran do xo vîr a nêkerê. No tewirê înan o rûmetên teqez do ser bikewo û kurdan azad bikero. Kurdîstan do bibo welatê demokratîk û azadî. Şarê Mexmûrî zî pê tewirê xo nêro vîrakerdene.

Rayber Apoyî pêro kurdan ra waştbi ke wayîrê Mexmûrî vejîyê. Têgêrayîşê ma yê azadîye zî nê esasî ser o seba caardişê hesreta şarê Mexmûrî û şehîdanê înan heta afernayîşê Kurdîstanê Azadî têkoşînê xo do dewam bikero.

Êyê ke zor û zehmetîya ambargoyî de verê çiman de dinyaya xo bedilnaye, do sey kedkarê têkoşînê azadîye tarîxê Kurdîstanê Azadî de ca bigêrê.''