Hemserekîya Konseya Rayberdişî ya KCKyî seba qurbananê felaketê taxa Şêxmeqsûdî ya Helebî û Qirkerdişê Mêrdînî mesajêkê serweşîye weşana.

Mesaj wina yo:

''Goreyê eşkerayîyan taxa Şêxmeqsûdî ya Helebî de rijîyayîşê bînayêke de 16 kesan dinyaya xo bedilnaye, xeylêk kesî birîndar bîyê û xeylêk kesî zî hema zî binê enqazî de yê. Nê serebûtê giranî şaranê ma yê Rojawanî û pêro şarê Kurdîstanî zaf dejna û ma zî zaf dejnayî. Ma keyeyanê meftayan ra serweşîye wazenê. Sereyê şarê ma yê Şêxmeqsûdî, şarê ma yê Helebî û şarê ma yê Rojawanî weş bo. Ma hêvîdar ê ke hûmara qûrbanan do nêzêdîya, êyê ke binê xirbeyan de mendê zî bixelisîyê. 

Şarê ma yê Helebî û Şêxmeqsûdî heta nika binê zor û zehmetîyanê giranan de vera hêrişan, vêşanîye, rijîyayîş û bêîmkanîye, xoverdayîşêko pîl kerdo û xêrê nê ruhê xoverdayoxî ra xo verî ra zor û zehmetîyî wedarnayî. Ma pê bawer ê ke şarê ma yê Şêxmeqsûdî nê serebûtî pê wayîrvejîyayîşî û bi ruhê xoverdayîşî derbaz bikero.Ma reyna keyeyanê meftayan ra serweşîye wazenê, birîndaran ra şîfaya xeyrîne wazenê û ma dejê şarê ma vila kenê.

Qirkerdişê Mêrdînî de wa raştîye eşkera biba

Hêrişê Mêrdînî de panc hemwelatîyê Başûrê Kurdîstanî ameyî qetilkerdene û nê hêrişî zî şar ma zaf dejna. Ma keyeyanê nê kesan û şarê Kurdîstanî rê serweşîye wazenê. No qirkerdiş qetî wa bêro roşnîkerdene. Heta nika Mêrdîn de bi desan welatperwerî hetê kontrayanê dewlete ra ameybî kiştene. Şarê Kurdîstanî hol zaneno ke no qirkerdiş hetê dewleta tirke ra ameyo kerdene. Seke HPGyî da zanayene ke nîşaneyê xurtî mojnenê ke no qirkerdiş hetê AKP-MHPyî ra ameyo kerdene. Nê panc hemwelatî pê welatperwerîya xo şinasîyayêne, eşîra Rêkanî ra bîyê û xeylêk şehîdê înan est ê. Xora dewleta tirke dosya ser o bira teqîbnêkerdişî daya. Balkêş o ke PDK û medyaya PDKyî qet serê nê serebûtî de nêvindenê û xîret kenê ke sereyê ney bigêrê. Tewirê PDK û medyaya PDKyî xizmetê nimnayîşê raştîyan keno. Ma venga rayaumûmîya demokratîke danê ke na babete de baldar biba û seba eşkerakerdişê raştîye serebûtî teqîb bikera.''