Hemserekîya Konseya Rayberdişî ya KCKyî bi wesîleya serrgêra wefatê Sekreterê Pêroyî yê YNKyî Celal Talebanîyî mesajê weşana.

Mesajê KCKyî wina yo:

''Ma serrgêra hîrêyîne ya wefetê Rayber Mam Celal Talebanî de reyna şarê Kurdîstanî û keyeyê ci rê serweşîye wazenê.

Mam Celal Talebanî şexsêko rayber û girîng ê sîyasetê kurdan bi. Destpêkî ra heta peyêne Mam Celal tim vera bêbextîye de vindert û xeta xoverdayîş, newebîyayîş, vurîyayîş û sîyasetê haştî û demokrasîyî aver berde.

Mam Celal têna Başûrê Kurdîstanî de nê pêro parçeyanê Kurdîstanî de wayîrê rol û tesîran ê pîlan bi. Mam Celalî tim seba azadîya Kurdîstane xîret kerd, xebat kerd. Destpêkê ronayîşê PKKyî ra heta nika Mam Celalî bi hawayêkê stratejîk û girîngî xebata Vakurê Kurdîstanî seyr kerde. Bi vatişê xo yê 'Vakur Misrê Kurdîstanî yo' vayê çareserîya meseleya kurdan ê Vakurî eşkera kerd.

Ma do qet xo vîrî ra nêkerê ke Mam Celal wexto ke nêweş bibi zî seba azadîya Rayber Apoyî tewrê amadekarîya bi. Heyf ke Mam Celal wextêk de ke kurdî tewr zaf hewcedarê ci bîyî dinyaya xo bedilnaye. 

Ma pê hêvîdar ê ke vîrameyîşê ey o girîng seba şarê Kurdîstanî do bibê sebebê xurtkerdişê yewîya neteweyîye. Ma reyna keye û şarê welatperwerî yê Kurdîstanî rê serweşîye wazenê.''