Komîteya Tekîlîyanê Teberî ya KCKyî derheqê wefatê sîyasetmedarê kurdî û walîyo verên ê Kerkukî Dr. Necmettîn Kerîmî eşkerayîyêka nuştekîye daye û nê vatî:

''Ma bi dejê pîlî eşnawit ke Dr. Necmettîn Kerîm şîyo rehm. Dr. Necmettîn Kerîmo ke karê muhîmî yê semedê têkoşînê azadîye yê şarê kurdî, yewîya neteweyîye û dîplomasî kerdî, seba ke wina rew wefat kerd dejo xorî da ma. Dr. Necmettîn Kerîmî bi serran teberê welatî de semedê nasdayîşê dewaya kurdî û şarê ci heqanê xo bifîno dest xebatê akademîk, sîyasî, sosyal, kulturkî û xebatê bitesîrî yê lobî kerdî. Nê têkoşînê xo de tim ma dir têkilîya ci estbî û xeylêk xebatanê hemparan de vernî de ca girewt.

Dr. Necmettîn Kerîm dosto erjîyaye bi ke heta hela peyêne bi aktîvîteyan cehd kerd ke dostê kurdan bizêdîye û destkewteyê şarê ma sey fermî bêrê naskerdene. Waştişê birêz Kerîmî yê afernayîşê yewîya neteweyîye ya kurdan û xelisnayîşê Kurdîstanî amancê têkoşînê ma yê. Na çarçewe de ma ci rê hûmayî ra rehmet û keye, merdimanê ci û şarê Kurdîstanî rê serweşîye wazenê.''