PDKyo ke goş nêdano vengdayîşanê kudîstanijan ser, sewqîyatê leşkerîyî rê dewam keno ke do verê pêkewtişan abikero.

Çimeyanê cayîyayan da zanayene ke hêzanê PDKyî saetanê serê sibayî de hîrêeygoşê dewa Birîfka ya Metîna de nuqtayêka newî ya kontrolî naye ro.

Nîno zanayene ke nuqtaya kontrolî ke qala ci yena kerdene do demdemî be ya mendî be.

Eynî wextî de herême de wesayîtê hewayî yê çekdar û bêmerdimî zî gêrenê.

Heme cayanê ke têgêrayîşê PDKyî de tede esto de teyareyê keşîfî yê dewleta tirkî gêrenê.

PDKyo ke verî zî dewa Birîfka de nuqtayê kontrolî nayîbî ro, tîya hêzê xo zêdîneno.

Yeno vatene  ke PDK herême de hêzanê xo zêdîneno ke nuqtayanê gerîlayan teqîp bikero.