Kerkûk de 7 noqtayê DAÎŞî ameyî îmhakerdene
Gelîya Alşayî ya Kerkûkî de netîceya operasyonê hêzanê Iraqî de 7 noqtayê cerganê DAÎŞî ameyî îmhakerdene û tay çekî ameyî destvistene.
Hetkarê Fermandarîya Operasyonî ya Kerkûkî Ferîq Elî Frêhîyî da zanayene ke hêzanê înan Gelîya Alşayî ya Kerkûkî de vera cerganê DAÎŞî operasyon kerd, 7 noqtayê cergan îmha kerdî û dest na tay çekan ser.
Frêhîyî pare kerd ke înan dest nayo hewan, mayîn, topan û hacetanê leşkerîyan ser. Frêhîyî derheqê hûmara cerganê kişteyan û tepişteyan de agahîyêke nêdaye.
