Badê Newroza Qendîlî ke bi hezaran kesî tewrê ci bîyî Kerkuk de zî şayîyêke ameye organîzekerdene. Warê Newroze de fotografê Rayberê Şarê Kurdî Abdullah Ocalanî û şehîdan ameyî daliqnayene.

Şayîye bi rêzgirewtişî dest pêkerde. Dima ra adirê Newroze bi slogana ''Bijî Serok Apo'' ame tavistene.Verî mesajê Newroze yê Têgêrayîşê Azadîye û Komîteya Amadekarîye ya Newroze ame wendene. Mesajan de bale ameye antene muhîmîya yewîye ser û ame vengdayene ke wa her  kes semedê azadîya Abdullah Ocalanî têbigêro.

Dima ra şayîye bi deyîran û govende dewam kerde.