Mîtan Gever serra 2000î de Gever de keyeyêkê qoricî de dadîya xo ra bîyo. Wexto ke dewa înan hetê dişmenî ra ameye vêşnayene keyeyî koçê Geverî kerd. Gerîla Mîtan keyeyêkê qoricî de bîyo pîl.

Mîtanî ANFyî rê qala keye û cigêrayîşanê xo kerde: ''Mîyanê eşîra Dozkî de qoricîtîye zaf a. Dewlete seba ke verê neteweyêke bigêra her çi kena. Ma zî cayêkê winasênî de bîyî pîl. Gever de welatperwerîye zixm a. Dewleta ke naye ra tersa mîyanê Geverî de metodê qoricîtîye ard ca. Keyeyê mi zî na polîtîkaya dewlete ra nasîbê xo girewt û maruzê asîmîlasyonî bi. Dewlete wina kerd ke keyeyê mi muhtacê ci bi. La mi tim vatêne ke çira ez pê kulturê xo pîl nêbîya, çira erjê ma yenê binpaykerdene û çira şer yeno kerdene? Zerrîya mi de nakokîyî virazîyayî. Netîceya cigêrayîşan de ez tewra gerîlayan bîya.

Wa şarê ma qoricîtî, ajanîye ser o bifîkiro. Wa bizano ke dewlete verî mîyanê şarê ma de xizanîye vila kena û dima kena ke şarê ma qoricîtî û ajanîye bikero. Ganî qoricîyî xo rê persê ke 'çira cepheyê verênî de ma şinê û ma bira û wayanê xo kişenê.'

Şarê ma yê Rojhelatê Kurdîstanî zî feqîr o. La şarê Rojhelatî qetî vera şarê xo şer nêkeno. Ez bi venga şarê ma yê Vakurî û bi taybetî venga ciwananê ma dana ke vera polîtîkayanê dewlete vengê xo berz bikerê. Mîyanê xo ra ajanan def bikerê.Wext wextê ma yo. Azadîye rê tay mendo.''