Gerîla Dîlawer Caf eşîra Cafî ra yo û şaristanê Pawe yê Kirmanşahî de dadîya xo ra bîyo. Dîlawer vera kerdişanê rejîmê Îranî tewrê gerîlayanê têkoşînê azadîye bi. Gerîla Dîlawer Cafî wina qala tewrbîyayîşê xo kerde: 

''Kerdişê dewleta Îranî yê vera kurdan û bi taybetî vera herêmanê Pawa û Kirmanşahî zerrîya mi de nakokîyî viraştî. Mi pêro tedayî nêzdî ra dîyî.  Coka ez pê kurdayetîya xo hesîyaye.''

Gerîla Dilawer Cafî bale ante hêrişanê rejîmê Îranî ser û vat: ''Ciwanî eşkenê ameyoxê şarî bivurnê. Dewleta Îranî tewr zaf hêrişê ciwanan keno. Seba ke ciwanî sere nêwedarê Îran tewir bi tewir metodan ano ca. Kirmanşah û Pawa bi çêrî û cezasetê xo şinasîyenê. Ê  qet teslîmê dişmenî nêbenê. Wexto ke merdim nê kerdişan vîneno xo bi xo perseno ke çira vera kurdan hende çîyî yenê kerdene. Ma sey kurdan wayîrê tarîx û nasnameyêkê qedîmî yê. Rejîmê Îranî seba ke kurd ê bi seyan ciwanî darde kerdî. Ganî ma hesabê nînan bipersê. Wexto ke ez tewra têkoşînê Rayber Apoyî bîya mi cuyêka newîye dîye. Na cuye de ke pê fikr û felsefeya Rayber Apoyî awan bîya, bi hezaran şorişgêrê ci estê. Ganî ciwanî vera çinkerdişê erjanê xo wayîrê tewirêkî bibê. Wa ciwanî vera dişmenî sere wedarê. Rojhelatê Kurdîstanî de bi hezaran cehşî vera erjanê kurdan têgêrenê. Ganî ciwanî cewabê nê cehşan bidê. 

Ganî ciwanî vera kerdişanê dişmenî tewrê têgêrayîşê Rayber Apoyî bibê. Eke ma wayîrê Rayberê xo, ziwanê xo, kulturê xo, erjanê xo vejîyê ma do çin nêbê.''