Koordînasyonê Komelgehê Cinîyan ê Azadan ê Rojhelatî (KJAR) bi wesîleya serrgêra 22. ya Komployê Mîyanneteweyî yê 15ê Sibate eşkerayîyêke daye.

Eşkerayîye bi kilmî wina ya:

''Komployê 15ê Sibate 'Roja Reşe' vera estbîyayîşê ma hêrişêko tewr pîl bi. Têkoşînê Îmraliyî yê Rayber Apoyî bêgûman Komplo kerd pûç. Ma sey cinîyanê Rojhelatê Kurdîstanî soz danê ke tecrîd bişiknê, faşîzm birijnê û Kurdîstanê azadî ronê. Hemleya 'Wext wextê azadîye yo' do tecrîd bi temamî perçe bikera. Ewro yeno waştene ke Komplo pêro parçeyanê Kurdîstanî de pê hêriş û îşxalan bêro caardene. Komplogeran şexsê Rayber Apoyî de cinîya azade û komelo azad kerd hedef. La paradîgmaya neteweya demokratîke ya Rayber Apoyî bîye hêvîya pêro şarê Rojhelatê Mîyanênî û dinya. Serra 2021î de hêzê komplogerî do bin bikewê û hêzo rêxistinbîyaye yê cinîyan û komelo demokratîk do ser bikewê. Şarê ma, hêzê şorişgêrî, cinî û ciwanî serra 23. de do hêzanê komplogeran ra hesab bipersê. Zîndanê Îmraliyî de tewirê xoverdayîşî yê Rayber Apoyî ser kewt. Ganî şarê Rojhelatê Kurdîstanî seke 1999 de kerd reyna tewirê xo bimojnê, wayîrê Rayberîye vejîyê. Ma wayîrê Hemleya 'Vera qirkerdişê cinîyan wextê pawitişê cuya azad o' vejîyê, seba azadîya Rayber Apoyî her ca de vejîyê meydanan. Ma do Komployê 15ê Sibate xo vîr a nêkerê û nêdê vîrakerdene! ''