Koordînasyonê KJKyî bi wesîleya rojbîyayîşê Rayberê Şarê Kurdî Abdullah Ocalanî eşkerayîyêke daye.

''Ma 4ê Nîsane rojbîyayîşê Rayber Apoyî fîraz kenê. Ma bi bawer ê ke menga nîsane vera cuya kapîtalîste do biba wesîleya newe ra geşbîyayîşê erjanê merdimatîye. Zîndanê Îmraliyî de xîret yeno kerdene ke vengê Rayber Apoyî bêro birnayene û o teslîm bêro girewtene. Rixmê ney zî fikr, felsefe û parafîgmaya Rayber Apoyî vilayê pêro dinya benê.

Bi dadîbîyayîşê hîrêyînî Rayber Apoyî tesîrê pêro dinya kerd û raştîya azadîye daye famkerdene. Êyê ke tewr zaf azadîya xo ra bêpar mendê ma cinî yê coka ganî tewr zaf ma goş bidê nê vengdayîşî. Ganî ma seba azadîya xo têkoşîn bikerê. Xora têkoşînê cinîyan ê kurdan serkêşîya felsefeya  'jin, jiyan, azadî' ya Rayber Apoyî de vilayê pêro dinya beno.

Cinîyê kurdî serkêşîyê Hemleya 'Abdullah Ocalanî rê Azadîye, Meseleya Kurdan rê Çareserîye' kenê. Weçînayîşanê herêmîyan ê Vakurê Kurdîstanî û Tirkîya de şarê ma wayîrê îrade, ziwan, kultur û Rayberê xo vejîyê. Şarê ma û cinîyî vera teda, kay û hîleyanê dişmenî ser kewt. Ma bi bawer ê ke cinîyî do peynîya polîtîkayanê qeyûman biyarê.

Mijdanîya gerîlayan, serkewtişê weçînayîşan ê şarê ma û Hemleya Azadîye mojnenê ke rojbîyayîşê Rayber Apoyî û bîyayîşo hîrêyîn resayê astêka berze ke do bin nêkewê. Bi wesîleya rojbîyayîşê Rayber Apoyî ma venga cinî û ciwanan, şarê ma û dostanê ma danê ke 4ê nîsane de erdê xo şîn bikerê, leyan ronê û Amare de rojbîyayîşê Rayberê xo sey rojêka azade fîraz bikerê. 4ê nîsane de ma pîya Hemleya Rayberîye biresnê asta tewr berze.''