Heyetê KNKyî rayberîya Hemserek Ehmed Qeremûsî de vera xîretanê provakatîfan ê PDKyî û şerê zereyî yê muxtemelî Başûrê Kurdîstan zîyaret kerd û partî, kesayet, rêxistin û roşnvîran reyde pêvînayîşî kerdî.

Heyetî saetanê şanî de salona Sînemaya Salîmî ya Silêmanî de konferansêkê rojnamegerîye kerd. Hemserekê KNKyî Ehmed Qeramûsî kombîyayîş de qisey kerd û îfade kerd ke înan PDK, Serekê PDKyî Mesûd Barzanî, Serekê Hukmatî û Serekê Herême Mesrûr Barzanî û Nêçîrvan Barzanî reyde pêvînayîş nêkerd. 

Qeremûş qiseykerdişê xo de ard ziwan ke eke pêşmerge û gerîlayî abigêrê cayanê xo yê verênan mesele do çareser biba. Qeremûsî da zanayene ke PKKyî bi mesajêk vato ke ê seba çareserîye amade yê ke dîyalogan bikerê.

Qeremûsî pare kerd ke PDK, Serekê PDKyî Mesûd Barzanî, Serekê Hukmatî û Serekê Herême Mesrûr Barzanî û Nêçîrvan Barzanî cewab nêda waştişê înan ê seba pêvînayîşî.

Qeremûsî eşkera kerd ke sebebê nê alozîyan dewleta tirk a. Qeremusî vat ke dewleta tirke wazena nê herêman îşxal bikera coka nê alozîyan xebitnena.