Konseya Rayberdişî ya KNKyî 14-15ê çeleyê 2023yî de kombîyayîşêk kerdbi. KNKyî netîcenameyê kombîyayîşî bi eşkerayîyêke vila kerde.

Eşkerayîya KNKyî wina ya:

''Dewleta tirke gefanê xo yê vera Rojawanî rê dewam kena û armanc kena ke pêro Rojawanî îşxal bikera. Dewleta tirke hêrişanê xo yê vera Başûrî zî dewam kena û nê hêrişan de çekanê qedexekerdeyan şuxilnena. Tirkîya û Vakurê Kurdîstanî de qet yew rêçê demokrasî zî nêmendo. Îqtîdarê AKP-MHPuî kultur û ziwanê kurdan qedexe keno û estbîyayîşê kurdan red keno. Reyna hêrişê vera Mexmûr, Şingal û Rojawanî zêdîyayî.

KNKyî kombîyayîşê xo de serebûtê Başûrê Kurdîstanî û Iraqî û hêrişê vera Şingalî zî ercnayî. Peymana 9ê Teşrîna Verêne ya ke mabênê dewleta tirke, PDK û Iraqî de ameya îmzakerdene, resaye astêka tehlukeyîne.

Rojhelatê Kurdîstanî de bi heman hawayî zorbazîye û zulm dewam kenê. KNK dano zanayene ke her parçeyê Kurdîstanî prosesêkê tehlukeyînî ra derbaz beno. 

KNKyî bi taybetî tecrîdê vera Rayberê Şarê Kurdî Abdullah Ocalanî kombîyayîşê xo de ercna. Ma venga Parlamentoyê Ewropa û CPTyî danê ke vera tecrîdî erkanê xo bîyarê ca, tecrîdî wedarnê.''