KNKyî îfade kerd ke her bir û gama derheqê Şingalî de ganî goreyê waştiş û îradeyê şarê Şingalî bibê û ganî Şingal wayîrê statuyêkê xoser û taybetî bibo. KNKyî seba wayîrvejîyayîşê Şingalî veng da.
Konseya Rayberişî ya KNKyî derheqê pêkerdişê Bexdad û Hewlêrî yê seba Şingalî de eşkerayîyêke daye.
KNKyî pare kerd ke her bir û gama derheqê Şingalî de ganî goreyê waştiş û îradeyê şarê Şingalî bibê û ganî Şingal wayîrê statuyêkê xoser û taybetî bibo. KNKyî da zanayene ke peymana Hewlêr û Bexdadî bêxebera şarê Şingalî ameye kerdene û na peymane do alozîyan bikera pîlêr. KNKyî eşkera kerd ke peymane vera DAÎŞî Şingal bêpawitiş verdena.
KNKyî ard ziwan ke PDK û Hukmatê Iraqî nê Meclîsê Xoserî yê Şingalî şarê Şingalî pawit. KNKyî beyan kerd ke peymane bêexlaq û îlegal a.
KNKyî vat: ''Balkêş o ke Tirkîya her kesî ra ver seba peymane kêfweşîya xo arde ziwan. Dewleta tirke dişmena verêne ya kurdan a. Kurdê êzidîyî û şingalijî parçeyê erdê Kurdîstanî yê. Ganî meseleyê Şingalî hol bêrê ercnayene û çareserkerdene. Ganî Şingalî ser o masayêka hempare bêra ronayene û pêro hetî dormeyê masa de ca bigêrê. Ma peymana Şingalî qebul nêkenê. Ma venga partî, hêzan û rayaumûmîya Kurdîstanî danê ke vera na mesele tewirê xo bimojnê û wayîrê Şingalî vejîyê. Ma venga dinyaya humanîtere danê ke Şingal û şarê Şingalî têna nêverda.''
