KNKyî vizêr bi serrnameyê 'Stratejîya Asayîşê Neteweyî de Rol, Îmkan û Astengîyê Rojnamegeran' konferansêko online serûber kerd. Pêro parçeyanê Kurdîstanî ra nêzdîyê 100 rojnamegerî tewrê konferansî bîyî. Endamê Konseya Rayberdişî ya KNKyî Refîk Gefur, rojnamegere Sabrîye Behmanî û Gule Algunerhan konferans îdare kerd.

Konferans de rewşa medyaya kurdan, xebatanê yewîya neteweyîye de rolê medyaya kurdana ameyî niqaşkerdene.

Beşê nêmroje yê konferansî de Serdar Altan, Niyaz Abdullah, Hêmin Seydî, Xezne Nebî, Asos Herdî, Amanj Azîzakndî, Ziwêr Şêx, Elîfe Can Alkant qisey kerd.

Nêmroje ra dima zî Ferîba Mûhamadî, Şiwan Mihemed, Abdurahman Go, Mizgîn Gorsê, Evîne Yûsif, Amed Dîcle, Kemal Reûf û Xalif Mûhammedzad qisey kerd.

Hemsereka KNKyî Ehmed Karamûsî konferans de pare kerd ke ganî medyaya kurdan giranîye bida xebatanê yewîye neteweyîye. Konferans de venga Hukmatê Başûrê Kurdîstanî ame dayene ke rojnamegeranê tepişteyan vera bido.

Konferans de ame vatene ke ganî medyaya kurdan ziwanê yewîya neteweyîye xo rê bikera esas, ziwanê pederşahî rê dûrî vindera.

Pêşnîyaz û birê konferansî sey netîcenameyêk do bêrê eşkerakerdene.