Cematê Demokratîke û Azade ya Rojhelate Kurdîstanî (KODAR) û Partîya Cuya Azade ya Kurdîstanî (PJAK) eşkerayîyêka hempare daye û pare kerd ke seba ke heta nika rejîmê Îranî waştişanê şarê Îranî û şarê kurdî rê giranîye nêdaye ê do weçînayîş boykot bikerê.

Eşkerayîya înan a hempare de ame vatene ke heta nika şarê Îranî û kurdî tewrê weçînayîşî bibî la rejîmê Îslamî yê Îranî  tim goreyê menfaatanê şarî ney, goreyê menfaatanê xo têgêra û bi nê hawayî ewnîya weçînayîşan rê. Reyna eşkerayîya hempare de ame vatene ke weçînayîşanê Îranî de sextekarîye yena kerdene.

KODAR û PAJKî eşkerayîya xo de vist vîrî ke heta ke Îran de weçînayîşê demokratîkî nêrê kerdene û şarê Îranî û şarê kurdî bi hawayêkê fermîyî  çarenusê xo, xo bi xo qerar nêdê ê do tewrê weçînayîşan nêbê û weçînayîşan boykot bikerê. PJAK û KODARî eşkerayîya xo de waşt ke meclîsêko newe û demokratîk bêro awankerdene û waştişê şarê Îranî û kurdî yê seba vurnayîşê sîstemê nikayênî yê Îranî bêrê caardene.