Komelgehê Demokratîk û Azadî yê Rojhelatê Kurdîstanî (KODAR) bi eşkerayîyêke venga pêro kesan da ke wa mexdûranê erdlerzê Xoyî rê hetkarîye bikerê.

KODARî pare kerd ke binê şertanê zimistanî de erdlerzî cuya şarê Xoyî hîna kerda giran. KODARî bale ante ser ke selahîyetdarê dewleta Îranî hetkarîya mexdûranê erdlerzî nêkena û derheqê babete de agahîyan zî nêdana.

KODARî vat: ''Ganî şarê Rojhelatê Kurdîstanî û Îranî destek bido şarê Xoyî yê Ûrmîye. Ganî pêro aktîvîstê sivîlî û rêxistinê komelê sivîlî Xoy de merkezê krîzî awan bikerê û hetkarîya şarî bikerê. Hetkarîya mexdûranê Xoyî erkêko exlaqî û însanî yo.''