Çalakîkeranê grevê vêşanîye yo ke vera tecrîdê Îmraliyî Kampa Şehîd Rûstem Cûdîyî ya Mexmûrî de dîya destpêkerdene pare kerd ke armancê çalakîya înan azadîya Rayberê Şarê Kurdî Abdullah Oclanî yo.
Grevê vêşanîye yo ke vera tecrîdê Îmraliyî Kampa Şehîd Rûstem Cûdîyî ya Mexmûrî de hetê Keyeyanê Şehîdan ra dîya destpêkerdene roja 17. de yo.
Koma 9. bi merasîmêk grevê vêşanîye dewr girewt. Merasîmî bi deqayêkê rêzgirewtişî dest pêkerd. Merasîm de Sakîne Cansiz, Leyla Şayleme û Fîdane Dogan zî ameyî yadkerdene.
Merasîm de nameyê koma 8. ser çalakîkeran Elî Urek û Huseyîn Seyhanî ANFyî rê qisey kerd.
Elî Urekî vat: ''Ma seba ke paştî bidê tepişteyanê grevê vêşanîye dest pê grevî kerd. Ma pê çalakîya xo armanc kenê ke azadîya Rayberîye bîyarê ca. Ma koma 9. rê serkewtiş wazenê.''
Huseyîn Seyhanî zî îfade kerd ke ê wazenê bi rayîrê na çalakîye Rayberê xo azad bikerê.
Merasîmê dewrgirewtişî bi slogananê 'Biciwîyo Serek Apo', 'Biciwîyo xoverdayîşê zîndanan' û 'Cinîye, Cuye, Azadîye' qedîya.
