Koordînasyonê Komalanê Ciwanan derheqê hêrişanê îşxalî yê dewleta tirke eşkerayîyêke daye.

Eşkerayîye de ame parekerdene ke 6 serranê peyênan de îqtîdarê AKP-MHPyî seba ke xo mende bikero bi barbarî hêrişê kurdan keno û nika zî bi hemkarîya PDK û destekê NATOyî hêrişê Kurdîstanî keno. Komalanê Ciwanan ard ziwan ke dewleta tirke seba ke pê gerîlayan nêeşkena dest erzena rayîr û metodanê gemarinan ê sey çeka kîmyewîye.

Koordînasyonê Komalanê Ciwanan vat: ''Serrgêra 50. ya têkoşînê ma de Zap de mefteyê azadîye do dîyarîya şarê ma bêro kerdene. Zap de têna şer û xoverdayîş nê destanê serfîrazîye do bêro nuştene ke no destan destanê Kurdîstanê Azadî yo. Hêrişê vera Zapî parçeyêkê qirkerdişê kurdan o. No şer têna kurdan û gerîlayan nê pêro merdimîye eleqedar keno. Eke no şer faşîzmî çin bikero Kurdîstan û Rojhelato Mîyanên do azad bibê.  Nê warî de erko tewr pîl keweno milê ciwanan. Ganî ciwanî nê prosesî de bi tewrbîyayîşê gerîlayan cewabê tewr tesîrînî bidê dişmenî. Bi ruhê seferberî, Hemleya Wextê Azadîye reyde û bi şîarê 'Werin Cenga Azadîyê' vera îşxal û îxanetî têbigêrê.

Şarê kurdî, ciwan û cinîyî hedefê nê hêirşan de yê coka wa her ca de têkoşînî berz bikerê. Erkê ma yo ke ma derbe bidê nê hêrişanê dişmenî ro. Nê esasî ser o ganî ma serra 50. ya têkoşînê azadîye bikerê serra azadîya Rayber Apoyî, binvistişê rejîmê faşîstî yê dewleta tirke û qedînayîşê kokê îxanet û hemkarîye. Ma venga pêro ciwananê welatperweran û şorişgêran ê Kurdîstanî danê ke serrgêra Hemleya 1ê Hezîrane de Vakurî ra heta Rojawanî, Başûrî ra heta Rojhelatî bi ruhêkê serewedaritoxî tewrê çalakîyanê seferberîye bibê.

Ma venga pêro ciwanan danê ke roje roja serewedaritiş, qîyametê vera îxanet û îşxalî û roja qesasî ya. Ganî ciwanî hemkarî û îxanetî heram bivînê û şaristan û dewan de derbe bidê dişmenî ro. Me venga pêro ciwananê Kurdîstanî danê ke bi baldarî û mesuldarî erkanê xo yê serkêşîye bikerê, her kuçe de alaya xoverdayîşî berz bikerê, îşxalker, xayîn, faşîst û kolonyalîstan ra hesab bipersê û serkewtişî bîyarê ca.''