HDP Kombîyayîşanê Nan û Karî Wan de dewam keno. Vizêr roja diyîne ya kombîyayîşan de heyet şarî reyde ame yewca û pêşnîyazê çareserîye pêşkêşê înan kerdî.

Heyetî bazarê cinîyan zîyaret kerd û goş na zor û zehmetîyanê înan ser. Cinîyan pare kerd ke eke krîz wina dewam bikero ê do îflas bikerê. Karkeranê înşaatî zî da zanayene ke ê têna hewte de 2 rojan xo rê kar vînenê.

Heyetî Bazarê Ka û Lawiran ê Erdişî zî zîyaret kerd. Heyetî goş da gerreyanê şarî ser. Dima zî heyet şi Odaya Zanaatkaran. Wayîrê qewexaneyî vat ke ê serrêke ra nata nêeşkenê qewexaneyê xo abikerê la tay kesî hê kongreyan virazenê.

Serekê Odaya Hunermend û Esnafan a Ercîşîzî eşkera kerd ke esnafan de hînî hêz nêmendo.

Heyeto ke tede Berpirsîyarê Komîsyonê Ekonomî Garo Paylan, Hetkarê Berpirsîyarê Komîsyonî Haci Sonmez, Vervatoxa Komîsyonê Ekolojî Menekşe Kizildere û Wekîla HDPyî Muazzeze Orhan estbî derbazê taxa Çelebîbagî bîyî û Gelîya Zîlane de eşkerayîye daye.

Menekşe Kizildere uca de qiseykerd û pare kerd ke Zîlan vîrê kurdan û vera HESan nêrazîbîyayîşê xo mojna.

Heyetê Gola Wanî de zî eşkerayîyêke daye û da zanayene ke ganî cade Gola Wanî bêra pawitene.