Komîteya Ciwanan a PKKyî bi eşkerayîyêke  endamê Komalên Ciwanî Hogir Botan û gerîlayî  Renas Civyan û Berxwedan Goyî yê ke 19ê temmuze de herêma Kotolî de hetê hêzanê Îranî ra ginayî xapî ro û şehîd bîyî, yad kerdî.

Eşkerayîye de ya ke Komîteya Ciwanan a PKKyî semedê Şehîd Hogir Botanî daye nê ameyî vatene:

"Ma sere de keyeyê erjîyayeyî yê hemrayanê xo yê şehîdan Hogir Botan, Rênas Civyan û Berxwedan Goyî rê şarê xoverdayoxî yê Cizîre û şarê Kurdîstanî rê serweşîye wazenê û soz danê ke ma do têkoşînê xo bi serkewtişî tacîdar bikerê.

Hemrayê ma Hogir Botan  1994 de dewa Giraxînî ya Cizîra Botanî de yeno dinya û sey şervan û xoverdayêkî game erzeno serranê qijtîya xo. Qijtîye de têkoşînê ci yê azadîye dest pê keno û qijtîye de serkêşîya serhildanan keno. Seba ke keyeyêkê welatperwarî de ciwîyeno  û şehîdê înan est ê, sey çalakwanî beno pîl. Seba ke 90yan de dewî yenê veşnayene keyeyê ey zî verê xo dano metropolan. Hemrayê ma Hogir Botan rixmo ke welatî ra dûrî de yo vera asîmîlasyonî xover dano wayîrê ziwan û nasnameyê xo vejîyeno.

Wextêk  peyra keyeyê ci bar keno şino Dîlok. Dima ra Anqara de Unîversîteya Gazî de wendekarîya ci dest pêkena. Tîya xebetanê ciwananê weletperweran nas keno û gama verêne ya rayraşîyayîşê azadîye erzeno. Çend xebatanê xo zêdîneno hende beno hedefê dişmenî. 2016 de hêrişê dişmenî de yeno tepiştene û nizdê di serran zîndan de meneno. Zîndan de partî dahîna rind nas keno, xo aver beno û gama ke zîndanî ra vejîyeno verê xo dano koyanê azadan.

Demê kilmî de beno sembolê ruhê Apoyîyî ke Binevşan ra, Mehmet Tunçan ra ame dewrgirewene. Garê, Qendîl û Vakur de beno raywanê azadîye. Mewzî û tunelanê şerî de keda pîle dano û reyna verê xo dano Vakurî. Hemrayê ma Hogir Botan warê Kelareşî de bi serkêşîya pîle wezîfeyê xo ano ca.  Bitaybetî şorişê Vakurê Kurdîstanî de rêxistinkerdişê ciwanan de rolo pîl kay keno.

Hemrayê ma Hogir Botan heta şehadetê xo semedê têkoşînê azadîye yê şarê ma çîyo ke destê ci ra yeno keno û zerrîya heme herayanê xo de ca geno. Ma do hemrayanê xo Hogir Botanê ke xo dima mîrasê qehremanîya destankî verda, Berxwedan û Rênasî çirey xo vîra mekerê, ma do seba azadîya fîzîkîye ya Rayber Apoyî têkoşînî xurtêr bikirê û ma do derbenê girdan bidê dişmenî ro û qesasê înan bigîrê.